The Definitive Guide to Living in the Capital , Cairo , Egypt

صحة ولياقة

10 نصائح مهمة علشان تتعامل مع صديق مصاب بالسرطان

اصدقاء اهل حقن دعم سرطان شعر علاج كيماوي مرض مريض مساعدة نصيحة نفسي
10 نصائح مهمة علشان تتعامل مع صديق مصاب بالسرطان
بواسطة
Cairo 360

مصاب السرطان، غير العلاج والرعاية، بيحتاج لدعم نفسي ومعاملة مختلفة. المرض ده دايماً بيخلي المريض في أسوأ حالاته النفسية، وبيغير موده باستمرار. علشان كده لازم الأهل والأصدقاء يوفروا الأجواء المناسبة له، ويراعوا نوعية التعامل معاه. ودي أهم النصائح للتعامل الأنسب معاه، حسب ما نشرها موقع “cancer.net”:

1- اسأل الشخص المصاب إذا كان حابب يتكلم في الموضوع أو لأ. مش كل المصابين بيبحبوا يتكلموا عن المرض، خصوصًا في أوله.

2- أظهر له دعمك من غير الكلمات. استخدم التصرفات، لغة الجسد، تعبيرات الوش. يعني ركز معاه لما يتكلم. لو عايز هدوء حاول ماتتكلمش كتير. لو بيتكلم في موضوع معين ماتغيرش الكلام.

3- خد بالك من كلامك، واختاره بعناية. لأن المصاب في أغلب الوقت بيكون حساس لكل كلمة بتتقال عنه أو عن المرض.

4- ممارسة الاستماع الفعال. ودي تقنية بيستخدمها المحترفين علشان يظهروا الدعم. وهي إنك تنتبه، وتتجنب التفكير في كلامك بعد ما تقوله.

5- خد بالك من طرحك للأسئلة، جمع أسئلتك كويس وماتسألش كتير. علشان مايتعبش من كترها وتكرارها.

6- بلاش تقدم أي نصيحة إلا إذا اتأكدت إنها مطلوبة. لأن نصيحة بدون داعي بتمثل ضغط نفسي، وبتيجي بنتيجة سلبية.

7- ماتبالغش في التعبير عن مشاعرك. وصل الاهتمام المطلوب بس، مش أكتر.

8- ساعده في الرجوع لأنشطته المعتادة وروتينه اليومي.

9- اتكلم عن مواضيع تانية غير السرطان. الكلام عن المواضيع المختلفة، بيساعد على الارتياح وتحقيق التوازن النفسي.

10- الدعم العملي كمان مهم. يعني ممكن توصله لمشوار معين. تجيب له حاجة هو محتاجها.

مقترح