The Definitive Guide to Living in the Capital , Cairo , Egypt

صحة ولياقة

7 نصائح طبية للاستمتاع بأحلى فنجان قهوة

أضرار القهوة فنجان قهوة فوائد القهوة قهوة صحية نصائح طبية
7 نصائح طبية للاستمتاع بأحلى فنجان قهوة
    بواسطة
    Cairo 360

    وهو فيه في الحياة أحلى من فنجان قهوة يظبط الدماغ؟ ما فيش شك إن القهوة لا غنى عنها في حياة معظم الناس لأنها بتساعد على التركيز وتنشيط المخ وبتعتبر مصدر لمضادات الأكسدة مقارنة بغيرها من المشروبات.

    جمعنا لكم 6 نصائح طبية هتساعدكم تستمتعوا بفنجان قهوة صحي، والنصائح دي نشرها موقع “Healthline” الطبي.

    ماتشربش قهوة بعد الساعة 3 الضهر

    القهوة واحدة من أغنى المصادر الطبيعية بالكافيين، ولأنه هو يعتبر من المنبهات اللى بتديك طاقة وحيوية لحد ما تفوق وتصحصح، بس خلي بالك أنك لو شربت القهوة فى وقت متأخر من اليوم ده ممكن يأثر على نومك.

    ماتحطش كمية كبيرة من السكر في قهوتك

    بالرغم من أن القهوة صحية فى حد ذاتها، إلا أنه بسهولة تتحول لحاجة مضرة لما بتحط سكر كتير، لانه بيرفع كمية الفراكتوز اللى بيسبب الأمراض الخطيرة، زي السمنة ومرض السكر، وبداله ممكن تبدله بدائل السكر زي: ستيفيا.

    اشرب قهوة أورجنك 

    نوع القهوة بيفرق طبعًا، والبن الأورجانيك أو الطبيعي من غير كيماويات بيكون أفضل صحياً وبيخليك بتستمتع بفنجان قهوة صحي ومختلف.

    ما تشربش قهوة كتير

    بالرغم من أن شرب القهوة بمعدل معقول دي حاجة صحية، إلا أن شرب الكثير منها ممكن  يقلل من فوائدها العامة، لإن لما بتشرب كميات كبيرة من الكافيين بيكون له آثار جانبية مضرة مختلفة، ولو عاوز تعرف المعدل المتوسط اللي يناسبك فهو متوسط ​​كمية البن اللي بيكون فيها حوالى 95 ملليجرام من الكافيين، وهو بيساوى حوالى فنجانين قهوة يومياً لشخص بيزن 80 كيلو جرام.

    حط قرفة على القهوة

    القرفة من الأعشاب المفيدة اللي ممكن تقلل نسبة الجلوكوز فى الدم والكوليسترول والدهون الثلاثية خاصة لمرضى السكر، ولو كنت محتاج حبة نكهة حاول تحط حبة صغيرة من القرفة.

    ماتحطش كريمر أو مبيض صانعي واستخدم لبن عادي

    كثير من الدراسات بتقول أن منتجات الحليب فيها بعض العناصر الغذائية المهمة واللي مش بتكون موجودة في الكريمر، لأن الألبان مصدر ممتاز للكالسيوم وقلته ممكن تسبب الإصابة بهشاشة العظام والكسور.

    ضيف شوية كاكاو لقهوتك

    الكاكاو فيه مضادات أكسدة، وبيرتبط بكل أنواع الفوائد الصحية، واللي منها تقليل مخاطر الإصابة بأمراض القلب. تقدر تجمع بين فوائد القهوة والشيكولاتة الداكنة عن طريق إضافة مسحوق الكاكاو لقهوتك.

    مقترح