The Definitive Guide to Living in the Capital , Cairo , Egypt

فن وثقافة

الهضبة وجيمس آرثر في حفلة واحدة يوم 19 ابريل

19 ابريل الجامعة الامريكية في التجمع الخامس الهضبة جيمس آرثر حفلة عمرو دياب مهموت أورهان
الهضبة وجيمس آرثر في حفلة واحدة يوم 19 ابريل
    بواسطة
    Omar Abd-elmaqsoud

    يوم الجمعة 19 أبريل هيكون يوم مميز لكل عشاق ومحبي فن “الهضبة” الفنان “عمرو دياب” لإنه هيبقى معاد حفلة الهضبة على مسرح الجامعة الأمريكية في التجمع الخامس.

    وهيشارك الهضبة في الحفلة دي الفنان البريطاني “جيمس آرثر” بالإضافة للـ “دى جي” التركي “مهموت أورهان”.

    عمرو دياب هيقدم عدد من أغانيه اللي كانت أيقونة على مر أجيال كتير، سواء جديدة أو قديمة، واللي منها “الليلة دي، وقمرين، وراجع” ومن الأغاني الجديدة: “دا لو إتساب، ووياه، وهدد، ونغمة الحرمان، وأنت مغرور، ويتعلموا”، ومن النستولجيا أغاني “نور العين، وما بلاش نتكلم في الماضي، ويومينهم، ومش هضعف، ولو كان يرضيك، وكان طيب، وأيام وبنعيشها، ويهمك في أيه”.

    الهضبة كان سافر الجمعة 22 مارس للسعودية، وتحديدًا لمدينة الدمام، وقدم حفلة ضخمة ضمن سلسلة حفلات كانت نظمتها الهيئة العامة للترفيه في المنطقة الشرقية في السعودية، وده كان تاني حفلة للهضبة في السعودية.

    لحجز التذاكر والاستفسار عن أي معلومات، ادخل هنا.

    مقترح