The Definitive Guide to Living in the Capital , Cairo , Egypt

فن وثقافة

تفاصيل معرض كتاب الدقي المخفض للأطفال

أطفال ابداع الدقي معرض الكتاب ميكروفون
تفاصيل معرض كتاب الدقي المخفض للأطفال
    بواسطة
    Mohamed Talaat

    مكتبة ميكروفون بالدقي هتنظم معرض جديد والمرة دي هيكون مخصص للأطفال، وهيبدأ يوم 1 نوفمبر وهيستمر لغاية 3 نوفمبر، وهتكون مواعيده من 10 صباحا إلى 10 مساءً، في مقر فيلا إبداع الدقي.

    المعرض هيكون فيه 50 ألف كتاب متنوع “تعليمي – ثقافي – ديني – تفاعلي – تنمية مهارات” وهيبقوا متوفرين باللغة العربية والإنجليزية، ومن إنتاج دور نشر مصرية زي “نهضة مصر، ديزني، DK، سفير، بداية، البشير، النيل، البلسم، الفاروق، دار السعيد، دار الأمل”، بنسبة خصم كبيرة هتوصل لـ90%، وسعر الكتاب هيبدأ من 5 جنيه.

    معرض الكتاب المخفض للأطفال هيكون فيه كمان ورش عمل هتساعد على تنمية مهارات الطفل، ومنها ورشة التنمية البشرية للأطفال للدكتورة عائشة رافع، اللي هتكون يوم 1 نوفمبر، وورشة الحكي للكاتبة سماح أبو بكر، يوم 2 نوفمبر.

    العنوان: 28 شارع جابر بن حيان، متفرع من شارع الدقي خلف مكتبة سمير وعلي.

    رقم التليفون: 01008449602

    صفحة الفيسبوك من هنا

    مقترح