The Definitive Guide to Living in the Capital , Cairo , Egypt

فن وثقافة

شارموفورز هتحتفل بعيد الحب في مركز المنارة

2019 اغاني المنارة جمهور حفلة دي جي شارموفرز عيد الحب فريق مركز مزيكا
شارموفورز هتحتفل بعيد الحب في مركز المنارة
    بواسطة
    Cairo 360

    في عيد الحب 2019، كل محبي فريق “شارموفرز”، ليهم ميعاد مع حفلة للفرقة في مركز المنارة في التجمع الخامس. الحفلة هتكون يوم الجمعة 15 فبراير. حسب ما نشر موقع “مصراوي”.

    هيكون مع الفرقة في الحفلة، الدي جي الهولندي نيك فان دن فيل. المشهور في مصر بلقب “أفروجاك”.

    وحاليًا الفرقة بتستعد لتقديم ألبومها الغنائي الثاني “انفصام”. بعد غياب عن الساحة حوالي 3 سنين، من وقت الألبوم الأول “بارانويا”.

    ميـن شارموفرز؟

    شارموفرز هو مشروع فني بدأ مع “أحمد بهاء” و”محمد العرقان (مو)، بعد كدة انضـم ليهم “عز شهوان”، هم أشخاص قررت تبعد عن أغاني “العيون” و”الرموش” و”الشفايف” ويعملوا مزيكا مختلفة، عن شخص اسمه “مستر شارموفر” بيمثل شخصية طبيعية، عنده أفكار وأحداث في حياته ممكن تحصل لأي حد.

    وفلسفة شارموفرز مافيهاش “فلسفة”، الموضوع بسيط جدًا، وبساطتهم بدأت معاهم لما قرروا يسجلوا أغانيهم في بيت “مو” و ينزلوها علي “يوتيوب” لمجرد التجربة، وفجأة الناس اتجهت ليهم ولمزيكتهم لإختلافها ولتعبيرها عن الحياة البسيطة وإستخدامهم لكلام الأغاني المُميز.

     

    مقترح