The Definitive Guide to Living in the Capital , Cairo , Egypt

فن وثقافة

علاء الدين في “الجونة”.. 3 معلومات عن مينا مسعود

علاء الدين كندا مهرجان الجونة السينمائي الدولي مينا مسعود هوليوود
علاء الدين في “الجونة”.. 3 معلومات عن مينا مسعود
بواسطة
Omar Abd-elmaqsoud

 ​النهارده الخميس 19 سبتمبر في حدث عالمي هينطلق النهارده من على أرض مصر، وهو مهرجان الجونة السينمائي الدولي في نسخته الثالثة السنة دي، لكن الحقيقة على قد ما الحدث ده مهم، على قد ما أهميته جاية من ضيوفه اللي بيجولوه من جميع أنحاء العالم، واللي هيكون منهم في النسخة الحالية للمهرجان واحد من أهم نجوم هوليوود، وهو الفنان الكندي من أصل مصري “مينا مسعود” بطل فيلم “علاء الدين” بمشاركة النجم عالمي “ويل سميث”.

وبالمناسبة دي، تعالوا نتعرف معاكم على “مينا مسعود” من خلال أهم 3 معلومات عنه:

1- مينا من مواليد 17 سبتمبر 1991 ودرس طب في جامعة “تورنتو” واتخصص في دراسة المخ والأعصاب لكن ساب الدراسة بعد سنة واحدة بس، علشان يعمل اللي بيحبه ويدرس تمثيل، رغم رفض أبوه وأمه للقرار ده، وخاصةً إن إخواته البنات الإتنين دكاترة صيدلة.

2- مينا مسعود نباتي، ورافض تمامًا تناول أي نوع من أنواع اللحوم أو مشتقاتها، وكان ليه مشاركة في برنامج تلفزيوني اسمه “Evolving Vegan” علشان يساهم في نشر النظام الغذائي الخاص بيه.

3- على الرغم من إن عمر مينا مسعود الفني صغير (بداياته كانت سنة من خلال فيلم  What Happens Next) إلا إن شخصية علاء الدين اللي قدمها في فيلم Aladdin  اللي قدمته ديزني السنة دي ساهمت في زيادة شعبية مينا، لكن كان أصلًا ليه شهرة واسعة جدًا في أمريكا وكندا بس إحنا ماكناش نعرف عنه حاجه للأسف، وده كان بسبب دوره المميز في المسلسل الكندي الأمريكي “Open Heart” اللي قدمه سنة 2015.

مقترح