The Definitive Guide to Living in the Capital , Cairo , Egypt

فن وثقافة

علشان الصورة تطلع حلوة.. 5 تطبيقات لتعديل صوركم بشكل احترافي

أفضل تطبيقات تعديل الصور تصوير تطبيق تطبيقات تحرير الصور تعديل صور
علشان الصورة تطلع حلوة.. 5 تطبيقات لتعديل صوركم بشكل احترافي
    بواسطة
    Mohamed Talaat

    دايمًا لما بنيجي نتصور بندور على أجمل لقطة تظهرنا حلوين، وكلنا بنحلم بصورة محترفة ماتكونش باهتة أو مضلمة، وعلشان كده هنقولكم على 5 تطيبقات للهواتف المحمولة تقدروا بعد تحميلها تعدلوا في صوركم وتظبطوها بشكل مميز وجميل واحترافي، وخليكم فاكرين دائمًا القاعدة السحرية لصورة مميزة “اضحك الصورة تطلع حلوة”.

    Facetune 2

    لو عاوزين تضيفوا تأثيرات مبهرة وفلاتر وألوان وأدوات أكتر تحسنوا بيها الصور فتطبيق Facetune 2 اختيار ممتاز لأنه فيه مميزات كتير جدًا زي أنكم تغيروا شكل الفم ولون الشعر والعينين وبيخفي التجاعيد وبينعم البشرة وبيستبدل الخلفيات.

    تقدروا تحملوا التطبيق لأجهزة آيفون من هنا.

    وللأجهزة بنظام تشغيل أندرويد من هنا.

    Snapchat

    من أشهر التطبيقات في مجال الصور، لأنه فيه دردشة ومشاركة القصص، وكمان فيه ميزة التصوير من خلاله أو تعديل الصور بشكل مميز لأنه بيوفر فلاتر وعدسات تقدروا تغيروا بيها ملامح الصورة بشكل كامل بدون مجهود أو تعب، وكمان ممكن تضيفوا ملصقات على الصورة.

    تقدروا تحملوا التطبيق لأجهزة آيفون من هنا.

    وللأجهزة بنظام تشغيل أندرويد من هنا.

    Airbrush

    لو عندكم حب الشباب أو أو اي مشاكل في البشرة، أو لو عاوزين توحدوا لون بشرتكم أو حتى تبيضوا أسنانكم فتطبيق Airbrush هيكون هو اختياركم، لأنه بيقدم مجموعة من الفلاتر الخاصة بالتجميل وتصحيح الألوان بشكل طبيعي هتخلي صوركم أحسن مما تتوقعوا، وتقدروا كمان من خلال التطبيق تتحكموا في الإضاءة والخلفية والألوان.

    تقدروا تحملوا التطبيق لأجهزة آيفون من هنا.

    وللأجهزة بنظام تشغيل أندرويد من هنا.

    Cymera

    فيه 200 مليون مستخدم بيستخدموا تطبيق Cymera، لأنه تطبيق شامل لتحرير وتجميل الصور بأدوات كتيرة بتخلي صوركم بدون أي عيوب نهائي، وكمان بتقدروا تظبطوا وتضيفوا فلاتر مختلفة تقدروا تختاروها من بين 130 فلتر وتأثير، وده غير الخلفيات والعلامات المائية والتصميمات المميزة.

    تقدروا تحملوا التطبيق لأجهزة آيفون من هنا.

    وللأجهزة بنظام تشغيل أندرويد من هنا.

    Selfie City

    التطبيق ده بيتميز عن باقي التطبيقات إن الفلاتر الموجودة فيه بتكون باسم بلد وكل فلتر بيعكس شخصية وجمال المدينة اللي باسمها التطبيق، وبيدعم كمان تحرير الصور وتجميلها بتأثيرات واقعية وفلاتر مختلفة، وبيحول الصور القديمة إلى لقطات مميزة بيسر وسهولة.

    تقدروا تحملوا التطبيق لأجهزة آيفون من هنا.

    وللأجهزة بنظام تشغيل أندرويد من هنا.

    مقترح