The Definitive Guide to Living in the Capital , Cairo , Egypt

فن وثقافة

في دورته الـ41.. 5 معلومات عن مهرجان القاهرة السينمائي الدولي

5050 في 2020 The Irishman آل باتشينو الدورة الـ41 جو بيشي روبرت دي نيرو مارتن سكورسيزي مهرجان القاهرة السينمائي الدولي نتفليكس
في دورته الـ41.. 5 معلومات عن مهرجان القاهرة السينمائي الدولي
    بواسطة
    Omar Abd-elmaqsoud

    في 20 نوفمبر 2019 هيشهد الوسط الفني في العالم العربي انطلاق واحد من أهم وأقدم مهرجانات السينما العربية والدولية، مهرجان القاهرة السينمائي الدولي في دورته الـ 41، واللي هيحضرها نخبة من ألمع نجوم السينما والفن في الوطن العربي والعالم.

    تعالوا مع بعض نتعرف أكتر على المهرجان من خلال 5 معلومات مهمة عنه:

    1- فيلم افتتاح المهرجان السنة دي هيكون فيلم (ذي أيريشمان) “الأيرلندي” هيكون هو ، الفيلم من إخراج “مارتن سكورسيزي” وإنتاج “نتفليكس” وبيحكي تاريخ ظهو عصابات الجريمة المنظمة في أمريكا بعد الحرب العالمية الثانية، مع تناول لواحدة من أكثر الجرائم غموضًا في تاريخ أميركا.

    الفيلم من بطولة “آل باتشينو” و”روبرت دي نيرو” و”جو بيشي” وكلهم كانوا من الفائزين بجوائز الأوسكار.

    2- بدورة السنة دي الـ41 هيتم مهرجان القاهرة السينمائي الدولي 41 سنة من الفعاليات والمنافسات والجوائز، وكانت البداية بعد حرب أكتوبر بـ 3 سنين، وتحديدًا في 16 أغسطس 1976 على أيدي الجمعية المصرية للكتاب والنقاد السينمائيين.

    وفي سنة 1985 اتشكلت لجنة مشتركة من وزارة الثقافة ضمت أعضاء الجمعية واتحاد نقابات الفنانين للإشراف على المهرجان.

    3- في سنة 1990 مهرجان القاهرة السينمائي احتل المركز الثاني بعد مهرجان لندن السينمائي في تقرير الاتحاد الدولي لجمعيات المنتجين السينمائيين عن أهم 3 مهرجانات للعواصم العالمية، وجه مهرجان ستوكهولم في المركز الثالث.

    4- هيقدم المهرجان السنة دي حوالي 150 فيلم من 63 دولة، منهم أكتر من 20 فيلم طويل هتعرض عالميًا لأول مرة ضمن العروض العالمية والدولية ودي خطوة جديدة بتحصل لأول مرة في المهرجان، ده غير 90 فيلم حصل المهرجان على حقوق عرضها الأول في الشرق الأوسط وشمال أفريقيا.

    5- مهرجان القاهرة السينمائي هو أول مهرجان عربي وثاني مهرجان أفريقي يوقع على ميثاق للمساواة بين النساء والرجال في الفعاليات السينمائية بحلول 2020، والمعروف باسم “5050 في 2020” واللي كان أول الموقعين عليه عالميًا مهرجان كان السينمائي في دورته الـ71 عام 2018.

    وبموجب الميثاق ده هيكون مهرجان القاهرة السينمائي ملتزم بدءاً من دورته الـ42 في نوفمبر 2020، بإعلان الإحصائيات المرتبطة بنسب مشاركة النساء في فريق البرمجة، ولجنة الاختيار، ونسبة الأفلام اللي اتقدمت من إخراج نساء، وعدد الأفلام اللي اختارها المهرجان منها.

    مقترح