The Definitive Guide to Living in the Capital , Cairo , Egypt

فن وثقافة

في قلب القاهرة التاريخية.. كل اللي محتاجين تعرفوه عن “مرسم القلعة”

أماكن فنية أماكن في القاهرة التاريخية تفاصيل مرسم القلعة عنوان مرسم القلعة مرسم القلعة مساحات عمل فنية معلومات عن مرسم القلعة
في قلب القاهرة التاريخية.. كل اللي محتاجين تعرفوه عن “مرسم القلعة”
    بواسطة
    Mohamed Talaat

    بإطلالة فريدة على أشهر المعالم الأثرية والسياحية ووسط العمارة الإسلامية العريقة، يوجد مرسم القلعة وهو عبارة عن مركز ثقافي مستقل تابع لمؤسسة الفنون والثقافة، وبيقدم أنشطة غير هادفة للربح.

    خلال السطور الجاية هنقولكم على كل اللي محتاجين تعرفوه عن مرسم القلعة، وإزاي تستفيدوا من خدماته في تنمية مهاراتكم.

    مرسم القلعة موجود في حي الخليفة، وبيحيط بيه ورش الفنون اليدوية التراثية، وهو ملجأ للمبدعين لأنه بيتميز بالهدوء الشديد، وهو قريب من قلعة صلاح الدين الأيوبي، وبيتميز أنه في أعلى تلة في هضبة المقطم، وبيطل على معالم أثرية ومباني تاريخية عظيمة زي “مدرسة ومسجد السلطان حسن، قاني باي الرماح، جوهر اللالا، تكية البسطامي، والبيمارستان المؤيدي، بيت المعمار المصري، متحف الزعيم مصطفى كامل، دار المحفوظات العمومية”.

    وكمان من أعلى نقطة في المرسم هتقدروا تشوفوا “حديقة الأزهر، الأهرامات، جزء من متحف الحضارة،”، والهدف من المرسم توفير مساحة آمنة للمبدعين، والمرسم مناسب لأصحاب المهارات الإبداعية ومحبي التراث والفنون والحرف والتصوير الفوتوغرافي والسينمائي، ومحبين القاهرة التاريخية.

    وبيسعى مرسم القلعة إنه يكون مقصد للفنانين الهواة والمحترفين علشان يقدموا إبداعهم، وهيتم تنظيم فعاليات فنية متنوعة فيه، في مجالات العمارة الإسلامية والرسم اليدوي، والفنون التشكيلية والتطبيقية، والموسيقى، والغناء الجماعي، مع إتاحة القاعات للفنانين والحرفيين المستقلين.

    مرسم القلعة موجود في الدور السابع من بيت عتيق في حارة “الوالدة باشا”، وهو بيتكون من صالة كبيرة و3 قاعات مختلفة بأسماء “السلطان – القلعة – المحفوظات”، وهو مجهز بأثاث بسيط من التراث الإسلامي، وكمان فيه بلكونة عرضها 18 متر بتطل على القاهرة التاريخية، وكمان الزوار يقدروا يطلعوا سطح المبنى وهي أعلى نقطة علشان يشوفوا جمال المنطقة.

    العنوان: سكة المحجر، الخليفة، أمام دار المحفوظات العمومية، وبالقرب من ميدان القلعة.

    تقدروا تعرفوا أكتر عن مرسم القلعة من خلال صفحة الفيسبوك من هنا.

    وتقدروا تحجزوا من خلال رقم التليفون: 01093140104

    مقترح