The Definitive Guide to Living in the Capital , Cairo , Egypt

فن وثقافة

قريبًا.. فيلم أمريكي هيجمع محمد صلاح وسكارليت جوهانسن

أكشن أمريكا رومانسي سكارليت جوهانسن محمد صلاح هوليوود
قريبًا.. فيلم أمريكي هيجمع محمد صلاح وسكارليت جوهانسن
    بواسطة
    Cairo 360

    بعد ما فاجئنا “صلاح” وفاجئ عشاقه وعشاق فريقه ليفربول بهدفه القاتل في مباراة امبارح ضد توتنهام واللي كان سبب في فوز مستحق لفريقه في الماتش، النهارده صلاح فجر مفاجأة جديدة من العيار التقيل، وكانت صدمة كبيرة لكتير من محبيه وعشاقه في العالم كله بشكل عام، وفي الوطن العربي بشكل خاص.

    المفاجأة هي إن صلاح وقع عليه الاختيار إنه يكون أحد المرشحين بقوة لمشاركة الفنانة الأمريكية العالمية “سكارليت جوهانسن” بطولة فيلمها الجديد واللي محطوطله ميزانية  ضخمة وغير متوقعة.

    ولحد دلوقتي زادت التكهنات حولين طبيعة الفيلم وقصته وأحداثه، لكن الاحتمال الأكبر نظرًا لميزانية الفيلم، إنه هيكون من نوعية الأفلام الرومانسية اللي بيتخللها بعض الأكشن والإثارة، لكن لحد دلوقتي مافيش أي معلومات مؤكدة عن قصة الفيلم.

    تفتكروا صلاح هينجح في السينما زي ما نجح في كرة القدم؟ خلونا نشوف!

    استنوا.. استنوا! اللي فات ده كله مش حقيقي.. أنتم ناسيين إن النهارده أول إبريل؟ كل كذبة وأنتم طيبين.

    مقترح