The Definitive Guide to Living in the Capital , Cairo , Egypt

فن وثقافة

كل اللي محتاجين تعرفوه عن مهرجان بانوراما الفيلم الأوروبي 2019

أفلام أفلام روائية أفلام طويلة أفلام قصيرة بانوراما الفيلم الأوروبي سينما سينما الزمالك سينما زاوية وثائقي
كل اللي محتاجين تعرفوه عن مهرجان بانوراما الفيلم الأوروبي 2019
    بواسطة
    Omar Abd-elmaqsoud

    في خبر جميل لعشاق السينما والأفلام، هتستضيف سينما زاوية في وسط البلد، وسينما الزمالك وعدد من دور العرض في مختلف المحافظات فعاليات الدورة الـ 12 من مهرجان بانوراما الفيلم الأوروبي اللي من المقرر إنها تبدأ في 6 نوفمبر الجاي، وهتستمر لمدة 11 يوم، وهيعرض فيها أحدث الإنتاجات الأوروبية (الروائية والوثائقية) اللي خدت جوائز عالمية، ده غير كلاسيكيات ومعالم من السينما الأوروبية.

    العروض هتلف في محافظات الإسكندرية والإسماعيلية وبورسعيد وأسيوط ودمياط والزقازيق والمنصورة ومن الصعيد المنيا وقنا، وكنوع من الإثارة والساسبينس كشفت اللجنة المنظمة للمهرجان عن قائمة الأفلام المشاركة واللي وصل عددها لأكثر من 75 فيلم، ومتقسمة بين روائى ووثائقى وقصير، وبمشاركة من أكثر من 30 دولة، بـ 8 أقسام هى: الأفلام الروائية الطويلة، ومخرجين صاعدين، والأفلام التسجيلية، وهنا وهناك: أفلام بلا حدود، وسينما أنياس فاردا، وعلامات سينمائية، وأفلام للأطفال والأسرة، وعروض خاصة.

    أسعار التذاكر للعروض في زاوية ٥٠ جنيه وفي سينما الزمالك ٦٠ جنيه (صالة) و١٠٠ جنيه (بالكون)، ولو حابين تعرفوا معلومات عن المهرجان وجدول عروض الافلام ممكن تدخلوا على الموقع الرسمي للمهرجان من هنا، أو صفحة المهرجان الرسمية على الفيسبوك من هنا.

    وممكن كمان تتعرفوا على المهرجان أكتر من خلال صفحة سينما زاوية على الفيسبوك من هنا.

    مقترح