مهرجان الألوان: مهرجان رائع في النادي السويسري بالقاهرة
Zainab Magdy
بعد مهرجان الألوان اللي فات ونجاحه الكبير زاد عدد
الحضور على صفحة المهرجان يوم 10 سبتمبر على الفيسبوك لأكثر من 16 ألف، كلهم مترقبين
المرح والألوان المميزين لليوم ده.
دي تاني مرة يتنظم مهرجان الألوان في النادي
السويسري، «هولي» هو اسم مهرجان الربيع
للألوان في الهند وبـ يتنظم في شوارع الهند بشكل دوري، وفي أي دول تانية فيها هنود
أو هندوس. فكرة المهرجان المرحة والمبتكرة انتشرت في العالم كله، وطبعًا كان لازم
يوصل لكايرو المحبة لكل ماهو جديد وغير تقليدي.
المهرجان
الأصلي في الهند نابع من أصول ومعتقدات روحانية، لكن تفضل أهم صفة مميزة له هي حب
الحياة والاستمتاع بيها. يوم السبت اللي جاي المهرجان هـ يبدأ الساعة 10 صباحًا،
وهـ يستمر لمدة 8 ساعات، وهـ يكون فيه أنشطة كثيرة مش بس رش الألوان على بعض.
محمد عادل رئيس فريق Divas منظمين الإحتفالية وضح أن فكرة المهرجان هي الاستمتاع باليوم على
الطريقة الهندية أو زي ما بـ يحصل في الهند بالضبط. السنة اللي فاتت الفريق شارك
في المهرجان والفكرة ألهمتهم جدًا، وفي 2011 بـ يجتهدوا لتنظيمه بنفسهم.
محمد
قال “حبينا نعمل الموضوع بوجهة نظرنا الخاصة المرة دي، وما يبقاش الموضوع
مجرد أن الناس ترش على بعض بودرة الألوان ويأخذوا كام صورة وهم بـ يلعبوا ويمشوا
بعدها”.
بالتعاون مع المشرف العام لفريق Divas بيتر جمال وباقي الأعضاء، قدر محمد عادل يعمل برنامج متكامل
للمهرجان يوم السبت 10 سبتمبر. سعر التذكرة 50 جنيه شاملة الدخول للنادي السويسري،
وعبوات الألوان وبخاخات الفوم. ولو عايز تجيب ألوان زيادة أو فوم أو وجبات خفيفة
ومقرمشات كل ده متاح داخل المكان ممكن تشتريه طول اليوم.
الموسيقى
اللي هـ تشتغل طول اليوم هـ تكون مزيج من مزيكا هندي، هاوس، تكنو وأنواع موسيقى
تانية علشان تضيف جو حلو للمهرجان. وعشان اليوم بـ يبقى طويل ومتعب، فريق Divas مظبط الموسيقى علشان تنشط الناس على مدار اليوم وبالذات
في الآخر لما الطاقة تبدأ تقل. وموسيقى تانية علشان تهدئ الجو شوية لما الناس تحب
تستريح. كمان فرقة تاكسي هـ تلعب الساعة 2 الظهر. و «برواز» أو “مشروع ستوديو
الشارع” هـ يأخذوا صور كثيرة لليوم كله، سواء جماعية أو لقطات فردية لكل
الحضور.
غير كده المهرجان هـ يستمر ساعات
إضافية علشان الفقرات المختلفة غير رش الألوان المجنون. زي عرض الثعبان الهندي،
والرقص الهندي، معارك برشاشات المية، ومعارك بالفوم وأنشطة تانية جديدة ومبتكرة.
هـ يكون فيه ثلاث مسابقات، أول واحدة
هـ تكون لأكثر ولد أو بنت عليهم ألوان كثيرة، علشان الناس تبذل مجهود أكثر في أنها
تبهدل نفسها بالألوان. ثاني مسابقة “ورينا ألوانك” أو Show Your Colors ودي هـ تبقى
للولد والبنت اللي كلهم متغطيين بلون واحد بس. والمسابقة الثالثة هـ تبقى سحب على
بلاك بيري جديد من الأرقام الموجودة على التذاكر المباعة، فـ خللي التذاكر معاك
بعد ما تعدي البوبات.
المشكلة أن تذاكر يوم 10 سبتمبر كلها
إتباعت، بس الخبر السعيد أن Divas بـ ينظموا نفس المهرجان مرة تانية في شهر
أكتوبر، اليوم لسة ما إتحددش بس هـ يعلنوا عنه في صفحة الفيسبوك الخاصة بهم قريب
وهـ يقولوا كل المعلومات الخاصة بالمهرجان وازاي تشتري التذاكر.
مقترح
الحياة في كايرو
تقرير.. مصر الثانية إفريقيًا من حيث عدد الأثرياء والقاهرة فيها 7200 مليونير
ترتيب مصر من حيث الأثرياء ثروات مصر +4
صحة ولياقة
