The Definitive Guide to Living in the Capital , Cairo , Egypt

فن وثقافة

مين اللي وراها؟.. حكاية رسائل التوعية من “كورونا” اللي ظهرت على معالم القاهرة

Laseronics الأهرامات برج القاهرة توعية شركة ليزرونكس كورونا وزارة السياحة والآثار يسري الجزار
مين اللي وراها؟.. حكاية رسائل التوعية من “كورونا” اللي ظهرت على معالم القاهرة
    بواسطة
    Omar Abd-elmaqsoud

    في الأوقات الصعبة والأزمات، دايمًا بتظهر مواهب عظيمة، ومواقف جميلة، ودايمًا المواقف دي بيبقى وراها ناس أجمل، وأزمة فيروس “كورونا” المستجد طلعت كتير من الحلو اللي جوانا، فاللي بيعرف يغني غنى وخلانا نغني معاه، واللي بيعرف يضحك ضحكنا معاه، لكن “يسري الجزار” واحد من الشباب المصري اللي حب يساهم بإمكانياته واللي بيعرف يعمله في توعية الناس بخطورة الأزمة، وضرورة البقاء في البيوت.. فكانت النتيجة إنه بقى الشخص اللي كان وراء عروض الليزر اللي شوفناها على أهرامات الجيزة وبرج القاهرة، وبتوجه رسالة للعالم قبل المصريين كمان “احمي نفسك”  و”خليك في البيت”.

    وصلنا في كايرو 360 ليسري، وعرفنا منه حكاية عروض الليزر اللي قدمتها شركته على اتنين من أهم المعالم الحضارية والتاريخية المصرية.

    يسري هو الممول والمدير التنفيذي لواحدة من أهم 5 شركات على مستوى العالم في تقديم عروض الليزر، وهي شركة ” ليزرونكس – Laseronics” وهو المدير الإقليمي لمكاتب الشركة في الشرق الأوسط (القاهرة والرياض ودبي) ده غير مكتبين في أمريكا وألمانيا.

    شركة يسري بتشارك في منافسات عالمية، ومسابقات دولية، وكسبت 5 جوائز عالمية فعلًا، وده كان سبب إن وزارة السياحة والآثار تتواصل مع يسري باعتباره نموذج ناجح ومشرف، وبيقدم طريقة توعية مختلفة وبره الصندوق، وفعلًا قدم لنا وللعالم وبشكل تطوعي تمامًا رسائل إيجابية جمعت بين تاريخ وحضارة من آلاف السنين، وتكنولوجيا الكتابة بالليزر واللعب بالضوء، علشان في النهاية نشوف اللوحة اللي عمرنا ما هننساها دي.

    المشاركة الثانية ليسري كانت على برج القاهرة، وكانت كمان بمبادرة منه، وتطوع بشكل كامل، فكانت اللوحة الثانية، واللي بالمناسبة مش هتبقى الأخيرة، لكن الرسالة اللي جاية هتكون فين؟ دي المفاجأة اللي هتعرفوها قريب.

    مقترح