The Definitive Guide to Living in the Capital , Cairo , Egypt

فن وثقافة -
مقترح

“وجوه مصر”.. ملامح المصريين المدهشة بكاميرا مصور لبناني (صور)

المصور اللبناني وائل اللادقي توثيق وجوه المصريين مشروع وجوه مصر المصور معارض مصورة وجوه مصر
“وجوه مصر”.. ملامح المصريين المدهشة بكاميرا مصور لبناني (صور)
    بواسطة
    Mohamed Talaat

    “لما بتركز فيها بتحس بجمال بلدنا وبهجتها وطيبتها وحتى كرمها”، بنتكلم عن وشوش المصريين، اللي مليانة تفاصيل مدهشة بتجذب مصورين فوتوغرافيين من كل العالم، واللي بعضهم بيعتبر مصر مش مجرد أماكن تاريخية وأثار وبس، لكنها كمان بشر على وشوشهم حكايات بلدنا.

    ومن المصورين اللي وقعوا في غرام وشوش المصريين، المصور الصحفي اللبناني وائل اللادقي، اللي زار مصر للمرة الأولى سنة 2004، بسبب وظيفته، لكنه من يومها وهو واقع في غرام وشوش أهلها، وأصبح بييجي مصر بشكل مستمر علشان يصور وشوش المصريين في كل مكان في مصر.

    بدأ المصور اللبناني “وائل اللادقي” مشروعه المصور “وجوه مصر” في مدينة الأقصر، سنة 2016، بعد ما صور مواطن مصري في منتصف العمر كان قاعد أمام المحل بتاعه، وبيبص للحياة بكل طيبة وعفوية، وأظهرت الصورة المواطن مع الشيشة، وفي الخلفية كان فيه كتابات معبرة باللهجة المصرية.

    مشروع “وجوه مصر” هدفه تعريف أكبر عدد من الأشخاص بوشوش المصريين، اللي بيعتبرهم المصور “الوجه الحقيقي لأهالي مصر بعيد عن النمطية، والأفكار المسبقة”.

    سافر المصور أماكن كتير ورا وشوش المصريين، زي الأقصر، ومرسى علم، وأسوان، والنوبة، وشرم الشيخ، والغردقة، وطابا، والإسكندرية، والقاهرة.

    وبيقول المصور: “زرت كل محافظات مصر، ولفيت في شوارعها”، وبيعتبر “وائل اللادقي” إن مشروعه “تحيةً لأهل مصر المعطائين، والصادقين، واللي بيشبهوا أرضهم بطيبتهم الفطرية”.

    مقترح