The Definitive Guide to Living in the Capital , Cairo , Egypt

فن وثقافة

يا ترى مين إنجي أفلاطون اللي جوجل بيحتفل بيها النهارده؟

احتفال انجي افلاطون جوجل ذكرى رسم سيريالي فن فن تشكيلي لوحات وفاة ولادة
يا ترى مين إنجي أفلاطون اللي جوجل بيحتفل بيها النهارده؟
    بواسطة
    Mohammed Sabry

    النهارده جوجل بيحتفل بذكرى ميلاد الفنانة الراحلة “إنجي أفلاطون”. تعالوا في السطور اللي جاية، نتعرف أكتر عليها وعلى تفاصيل حياتها.

    اسمها بالكامل إنجي حسن أفلاطون. اتولدت يوم 16 أبريل 1924 لأسرة ثرية في القاهرة. اتعلمت في عدد من المدارس منها القلب المقدس. وبعد كده كملت تعليمها في مدرسة الليسيه الفرنسية، لحد ما حصلت على البكالوريا.

     

     

    كانت متحدثة باسم الحركة الماركسية التقدمية. والدتها كانت مصممة أزياء، وخدمت في الهلال الأحمر المصري. اتأثرت بالمدرسة السريالية في الفن. وكانت بترسم أي حاجة تخطر على بالها من أفكار وأحلام وكوابيس، بطريقة فنية جديدة.

     

     

    شهرة إنجي وصلت للعالمية، وقدمت معارض في برلين، روما، موسكو، باريس، نيودلهي وغيرهم. ورسوماتها كانت مشهورة بضربات ريشة قوية، مليانة حيوية وطاقة. ومن أشهر لوحاتها:

    جمع الذرة

    حاملة شجرة المووز

    سوق الجمال

    صياد بلطيم

    مش بس الفن واللوحات اللي شكلوا حياة إنجي، ده كمان صدر لها عدد من الكتب منها: (80 مليون امرأة معنا) 1947 – (نحن النساء المصريات) 1949 – (السلام والجلاء) 1951.

    إنجي أفلاطون فضلت واحدة من رواد الحركة الفنية التشكيلية لحد وفاتها في 17 أبريل 1989.

    مقترح