The Definitive Guide to Living in the Capital , Cairo , Egypt

فن وثقافة

10 نصائح مهمة للاستفادة من معرض القاهرة الدولي للكتاب 2020

2020 القاهرة ثقافة كتب معرض الكتاب نصائح نصائح لمعرض الكتاب
10 نصائح مهمة للاستفادة من معرض القاهرة الدولي للكتاب 2020
    بواسطة
    Mohamed Talaat

    “ستكون فائدة القارىء من القراءة أعظم إذا استطاع أن يعرف هوية الكتاب والجنس المعرفي الذي ينتمي إليه”، (عبد الكريم بكار – مؤلف سوري)، وعلشان أهمية القراءة والحدث العظيم “معرض القاهرة الدولي للكتاب 2020” واللي هيقام في الفترة من 22 يناير حتى 4 فبراير في القاهرة، هنقدملكم في السطور اللي جاية 10 نصائح عملية ومهمة هتساعدكم على الاستفادة من المعرض بشكل أفضل.

    1- اتعرفوا على دور النشر والكتب اللي هتصدرها خلال فترة المعرض علشان تقدروا تحددوا إيه ممكن تحتاجوه من الكتب الجديدة، وده عن طريق زيارة صفحات دور النشر على الفيسبوك.

    2- حضروا قائمة بالكتب اللي محتاجينها وأماكن تواجدها في معرض الكتاب 2020، علشان تقدروا توصلوا لها بشكل أسرع.

    3- اوصلوا المعرض بدري، علشان تقدروا تدخلوا بسرعة، وكمان تاخدوا أكبر قدر ممكن من المعرفة عن اللي موجود لما تلفوا على دور النشر والعارضين.

    4- اتعرفوا على فعاليات المعرض والعروض اللي فيه وحفلات التوقيع وأكيد هتستفيدوا منها.

    5- مهم جدًا تبقوا عاملين حسابكم على لبس مريح يساعدكم في التنقل والحركة وكمان ميبقاش خفيف علشان السقعة.

    6- خلوا معاكم شنطة ضهر كبيرة، علشان لما تشتروا كتب تبقى هي شيلة واحدة ومتتكدروش في جر شنط بلاستيك أو كراتين.

    7- رحلة شراء الكتب يفضل تبدأ من أبعد مكان في المعرض وتنتهي بأقرب مكان من باب المعرض اللي هتخرجوا منه، علشان الحمل مايبقاش تقيل والمشوار ميبقاش اتنين.

    8- خلوا معاكم دايمًا مياه وسناكس، علشان وسط الكتب هتنسوا نفسكم ومش هتحسوا بأنكم جعانين أو عطشانين، وطبعًا الأكل مهم علشان يديكم طاقة وماتتعبوش.

    9- ماتلبسوش أحذية تقيلة أو بكعب، لازم حاجة مسح زي الكوتشي والسنيكرز علشان رجلكم هتتعب جدًا من اللف.

    10- طبعًا هتصادفكم كتب هتحبوا تشتروها، ماتستعجلوش، فكروا كويس واسألوا نفسكم هل فعلًا محتاجينها ولا لأ، وبعدين خدوا القرار النهائي.

    وأخيرًا..

    ماتنسوش أن المعرض هيكون مفتوح يوميًا من الساعة 9 صباحًا حتى 7 مساءً طوال أيام المعرض.

    مقترح