The Definitive Guide to Living in the Capital , Cairo , Egypt

كافيهات

العربي.. أول قهوة بلدي بتوفر مساحة آمنة للبنات في وسط البلد

الصحفي محمد محي الدين خروجة وسط البلد قهوة العربي قهوة بلدي كافيه للبنات فقط وسط البلد
العربي.. أول قهوة بلدي بتوفر مساحة آمنة للبنات في وسط البلد
    بواسطة
    Mohamed Talaat

    كتير من البنات بيحبوا قعدة القهاوي البلدي، وخصوصًا في منطقة وسط القاهرة، لكن بيكون فيه بعض التخوف من القعدة في القهاوي دي، علشان كده قررت قهوة العربي، اللي موجودة في شارع مجلس الأمة بحي السيدة زينب، بالتعهد بالحفاظ على أمن وسلامة البنات اللي هتقعد على القهوة، في خطوة هي الأولى من نوعها في عالم القهاوي الشعبية. خلال السطور الجاية هنقول لكم كل اللي محتاجين تعرفوه عن قهوة العربي وأسعارها.

    محمد محي الدين، 33 سنة، خريج تجارة خارجية، وكان بيشتغل في مجال الصحافة اللي بالفعل حقق نجاح فيها، لكنه قرر بعد أزمة فيروس “كورونا” المستجد، وغياب فرص عمل للصحفيين، أنه يغير طريقه المهني بمساعدة أخوه، ويفتحوا قهوة تكون أقرب لمساحة آمنة للبنات، رغم إنها مجرد قهوة بلدي في منطقة شعبية.

     

    بيقول محمد محي الدين لـ كايرو 360 إن فكرتهم في الديكور والكراسي والترابيزات إنها تكون حاجة مريحة ومناسبة علشان تخلي المكان اقرب لمساحة عمل مشتركة، وكمان علشان هما عاوزين الشكل دايمًا مميز ونظيف علشان تليق بالبنات اللي هتكون محتاجة تقعد فيها.

    وبحسب “محي الدين”، من أهم مميزات القهوة أنها بتشبه أي قهوة بلدي عادية ولكن هتكون طول الوقت نظيفة علشان البنات ماتحسش إنها قاعدة في مكان عادي، وماتبقاش البنات مكسوفة تقول لأهلها إنها نازلة تقعد على القهوة.

    أما أسعار المشروبات فهي عادية جدًا زي أي قهوة بلدي، الشاي بـ3 جنيه، والقهوة 5 جنيه، والعصائر 15 جنيه، والمياه المعدنية بـ5 جنيه.

    العنوان: ٦٩ شارع مجلس الأمة في السيدة زينب.

    مقترح