The Definitive Guide to Living in the Capital , Cairo , Egypt

كافيهات

جوائز اختيارات محرري كايرو 360 لأفضل أماكن الآيس كريم

جوائز اختيارات محرري كايرو 360 لأفضل أماكن الآيس كريم
    بواسطة
    Cairo 360

    مافيش أجمل من أنك تكسر حر الصيف بكوباية أو بسكوتة آيس كريم لذيذة تنعشك وتنسيك حر الجو، وبرغم كثرة عدد محلات الآيس كريم مؤخرًا إلا أن مش كلهم بنفس المهنية والتميز علشان كده أخترنا لكم أفضل الأماكن اللي بتقدم الآيس كريم في القاهرة.

    الفائزين في فئة أفضل أماكن الآيس كريم في جوائز اختيارت محرري كايرو 360 لعام 2017:

    فروزي تويست –  Frozzy Twist

    في الفترة الأخيرة انتشرت جدًا فكرة الآيس كريم اللي بيتعمل قدامك على ترابيزة وبتختار أي مكونات بتحبها ويتحط عليها، بس مافيش في جمال طعم فروزي تويست، واللي نقدر نقول بثقة أنه من أحسن الأماكن اللي بتعمل آيس كريم في مصر، وفي كل فروعه لأن المهنية والإتقان نظام بيطبق في كل فروعه.

    ستافولتا –  Stavolta

    في كل تفصيلة في المكان ده تحس أن الآيس كريم معمول بحب، مش مجرد كوباية فيها حاجة مثلجة وخلاص ده آيس كريم home made معمول بشغف وحب، البسكوتة بتاعته هشة ولذيذة وكل النكهات طازة وقادرة تدخلك في مملكة متكاملة من الطعم اللي بتجربه علشان تتغنى بجماله وتستمتع بيه.

    جيلاتو ميو – Gelato mio

    من الأماكن القليلة اللي بنستمتع فيها بكل النكهات تقريبًا، وكل شوية بيعملوا مهرجان خاص بنكهة معينة علشان مايحرموش زبائنهم أنهم يستمتعوا بكل نكهة بمزاج وهدوء.

    يوجيز –  Yoggy’s

    متعة أنك تجرب آيس كريم بالزبادي وتحط عليه الفاكهة اللي بتحبها أو شوكولاتة دي متعة ماتتوصفش، خاصة لما يكون الآيس كريم طعمه حلو وياخد العقل. وده اللي بيقدمه يوجز على مدى سنين طويلة بلا منازع.

    ماندرين كويدر – Mandarine Koueidar

    من أوائل محلات الآيس كريم اللي عرفناها في القاهرة واللي برغم مرور السنين مستواها ماقلش خالص بل بالعكس بتقدم نكهات جديدة والطعم هو هو جميل ولا يقاوم.

    مقترح