The Definitive Guide to Living in the Capital , Cairo , Egypt

عيد حُب سعيد.. 5 أماكن في وسط القاهرة لقعدة حلوة ومش مُكلفة
    بواسطة
    Mohamed Talaat

    القاهرة بتحتفل بعيد الحب.. حقيقة هتتأكد منها وأنت ماشي في الشارع وبتتفرج على محلات الهدايا والورد بألوانها الزاهية والمميزة، وبالتأكيد بتفكر تروح مع حبيبك مكان جميل ومش غالي تعيشوا فيه أجواء عيد الحب، وعلشان اليوم ده لازم يكون مميز، هنقول لكم خلال السطور الجاية على 5 أماكن موجودة في وسط البلد تقدروا تحتفلوا فيها بعيد الحب.

    Fish & ships

    المطعم ده متخصص في السمك، وهتاكلوا من عنده أحلى الأكلات المميزة واللي بتكون معمولة بحب، وهما شعارهم “لو ماكلتش اتصور” لأن المكان مميز ببلكونته اللي كلها ورد وألوان مبهجة، وكمان هما عاملين أطباق سبيشيال ميكس بمناسبة “عيد الحب”، وكمان بأسعار مميزة، وماتنسوش أنهم بيقدموا هدايا من الفضة للكابلز.

    هما موجودين في 37 أ شارع البستان بجوار مترو محمد نجيب وأمام موبايل شوب.

    رقم التليفون: 01150715825.

    وتقدروا تعرفوا عنهم أكتر من خلال صفحة الفيسبوك من هنا.

    الكوخ – Elku5

    ده بقى عبارة عن جاليري ومطعم وكافيه، وعاملين حالة مختلفة عن اللي تعرفوه، فهتلاقوا هناك برج حمام، والمطعم كله من خشب الأشجار، والفيو مميز، والتصوير عندهم تحفة، وتقدروا تقعدوا هناك في ركن هادئ مميز، وكمان عندهم منيو متنوع هيرضي جميع الأطراف.

    تقدروا تزوروا الكوخ في عنوانهم، 1شارع سكة الفضل الدور الأول خلف حلواني العبد – طلعت حرب.

    والحجز من خلال رقم التليفون: 01026514158.

    ولتفاصيل أكتر زوروا صفحتهم على الفيسبوك من هنا.

    Oldish

    ده أجمد مطعم وكافيه في وسط البلد تقدروا تزوره في عيد الحب وتستمتعوا بالأكل والشرب فيه، خاصة أنه مميز بقعدته وخصوصيته وكمان الأسعار عندهم مش غالية، وهتنبسطوا من المزيكا اللي هتكون موجودة خلال عيد الحب، وماتنسوش تتصوروا في البلكونة المميزة بتاعتهم.

    العنوان: شارع محمد محمود – بجوار مدرسة ليسيه الحرية والجامعة الأمريكية.

    رقم التليفون: 01060119488.

    وعلشان تعرفوا أكتر عنهم زوروا صفحتهم على الفيسبوك من هنا.

    حديقة جروبي

    التاريخ بروح العصر هتلاقوه في حديقة جروبي، اللي القعدة عندهم تساوي أجمل حاجة في الدنيا، ولسه جروبي محافظ على مكانته في أنه من أفضل الأماكن في وسط القاهرة اللي تقدروا تحضروا فيها عيد الحب وتستمتعوا بالهدوء والروقان وأنتم بتاكلوا أو تشربوا عندهم، وماتنسوش تجربوا الحلويات والآيس كريم بتاعهم، وأكيد هيبقوا عاملين حاجة جديدة مخصوص لعيد الحب كعادتهم في كل مناسبة.

    وحديقة جروبي موجودة في 46 شارع عبد الخالق ثروت – وسط البلد.

    رقم التليفون: 023911949.

    وزوروا صفحتهم على الفيسبوك علشان تعرفوا أكتر عنهم من هنا.

    الفيلا

    مكان حديث هينقلكم لعالم تاني بديكورات مميزة بترمز للماضي الجميل، يعني هتتنقل مع حبيبك لحقبة زمنية مختلفة، ده كمان غير أن عندهم حفلات ومنيو للأكل والشرب مليان حاجات حلوة، يعني هتجمعوا بين المزيكا الجميلة، والقعدة المميزة، والأكل والشرب الحلو في مكان واحد.

    الفيلا موجودة في ٢ شارع عائشة التيمورية  – بجوار بنك عودة – الدور الخامس – جاردن سيتي.

    رقم التليفون: 01101317390.

    واتفرجوا على الصور وأعرفوا أكتر عنهم من خلال صفحة الفيسبوك من هنا.

    مقترح