The Definitive Guide to Living in the Capital , Cairo , Egypt

كتب

“أستطيع أن أرى بوضوح الآن”.. خلاصة تجارب إنسان فوق السبعين في كتاب يستحق القراءة

تنمية بشرية كتاب أستطيع أن أرى بوضوح الآن كتاب مفيد كتب جديدة مكتبات القاهرة
“أستطيع أن أرى بوضوح الآن”.. خلاصة تجارب إنسان فوق السبعين في كتاب يستحق القراءة
    بواسطة
    Mohamed Talaat

    لو كنت من عشاق الكتب فأكيد بتدور طول الوقت على كتب جديدة تكون شيقة ومفيدة وتعلمك مهارات وخبرات تفيدك في حياتك، ومن الكتب اللي هتلاقي فيها اللي بتدور عليه كتاب “أستطيع أن أرى بوضوح الآن” المتاح في مكتبات القاهرة حاليًا.. في السطور الجاية هنتعرف أكتر على الكتاب ده وحكايته.

    كتاب “أستطيع أن أرى بوضوح الآن” هتلاقي في صفحاته خلاصة تجارب حياة الكاتب د. واين داير، وهو من ترجمة د. محمد ياسر حسكي وزينة حمامي. وهو من الكتب الأكثر مبيعًا بحسب قائمة صحيفة نيويورك تايمز، والكتاب صدر بالعربية عن دار الخيال في بيروت.

    د. واين داير استنتج بعد سنواته السبعين أنه مافيش مصادفات في الكون ده، وأن كل حاجة بتحصل حوالينا لها غاية واحدة، وإنك لازم تمشي بثقة تجاه حلمك الداخلي الخاص، وتعيش الحياة اللي بتتخيلها لنفسك، وتحب كل دقيقة فيها، وده هيخلي النجاح يطاردك في حياتك.

    الكاتب اكتشف أنه علشان يستمر على الطريق اللي بيمشي عليه لازم يختبر ويعرف حقيقة الشيء اللي مابيحبهوش، ويحرر نفسه من كل الشكوك، ويكون ممتن لكل شيء في الحياة، ويقبل التحدي، ويتقبل كل حااجة بتحصل له ويؤمن أن كل شيء بيظهر في حياتنا له سبب.

    الكاتب بيحاول يعرفنا كمان إن التجارب مهما كانت مؤلمة فهي دروس في كل لحظة.. وأنه يجب الثقة بالمشاعر الداخلية، والإيمان أنها بتتضمن نوع من الإرشاد الإلهي، وأن ترويض “الأنا المتبجحة الصاخبة” الموجودة داخل كل شخص مننا هو تحدي الحياة اللي لازم يعيشها الإنسان.

    الكتاب جميل، وأسلوبه سهل وبسيط، ومليان دروس ونصائح وحكم هتساعدك أكتر على فهم الحياة.

    الكتاب متاح في مكتبات القاهرة، وسعره حوالي 100 جنيه.

    مقترح