The Definitive Guide to Living in the Capital , Cairo , Egypt

كتب

الأسعار بتبدأ من 5 جنيه.. 5 معلومات عن معرض الدقي المخفض لكتب الأطفال (صور)

فيلا إبداع كتب أطفال معارض كتب في القاهرة معرض الدقي المخفض لكتب الأطفال معرض كتاب الدقي للأطفال
الأسعار بتبدأ من 5 جنيه.. 5 معلومات عن معرض الدقي المخفض لكتب الأطفال (صور)
    بواسطة
    Mohamed Talaat

    القاهرة بتتميز بقدرتها المبهرة على تقديم خدمات مهمة لسكانها مهما كانت الظروف، ومن الأحداث الثقافية اللي هتحصل في منطقة الدقي قريبًا، معرض الدقي المخفض لكتب الأطفال، اللي نقدر نعتبره الحدث الثقافي المصري الوحيد المخصص للأطفال في قلب العاصمة المصرية.

    تعالوا نتعرف أكتر على المعرض من خلال 5 معلومات فيهم الخلاصة:

    1 – المعرض هيوفر لكم أكثر من ١٠٠ ألف كتاب في مختلف المجالات، واللي هتناسب أطفالكم مهما كان سنهم.

    2 – المعرض بيقام بالتعاون مع أهم دور النشر المصرية المتخصصة في إنتاج كتب الأطفال زي: نهضة مصر، وسفير، والفاروق، وغيرهم من دور النشر المصرية، بالإضافة لشركات استيراد كتب الأطفال الإنجليزية من بريطانيا.

    3 – هتلاقوا في المعرض قسم كتب مخفضة بأسعار موحدة ٥ / ١٠ / ١٥ جنيه، أما باقي كتب المعرض فهيكون عليها خصم ١٥٪.

    4 – المعرض مستمر في الفترة من ٢٥ مارس وحتى ١ أبريل 2021 من الساعة 10 صباحًا ولحد الساعة 10 مساءً.

    5 – المعرض هيقام في ڤيلا إبداع، في ٢٨ ش جابر بن حيان، متفرع من شارع الدقي، بالقرب من مطعم سمسمة، وعلى بُعد خطوات من معرض زهور الربيع اللي بتستضيفه حديقة الأورمان.

    مقترح