The Definitive Guide to Living in the Capital , Cairo , Egypt

تاريخ مصر في 3 كتب جديدة من إصدار الجامعة الأمريكية بالقاهرة
    بواسطة
    Mohamed Talaat

    مصر جميلة وهي مصدر رئيسي وملهم لكل العالم بحضارة عمرها أكتر من 7000 سنة، وبموقعها الجغرافي ومكانتها المميزة وسط الدول، وده اللي خلى الجامعة الأمريكية في القاهرة تصدر 3 كتب جديدة عن مصر، هنعرفكم عليها خلال السطور اللي جاية، علشان تتعرفوا عليها أكتر.

    الكتاب الأول بعنوان “Egypt Inside Out”، للكاتب تريفور نايلور، والمصورة دوريانا ديميتروفا وبيرصد مصر في القرن الـ21 وجغرافيتها المتنوعة والرائعة وييلقي الضوء على سكانها في الفترة المهمة دي.

    أما الكتاب الثاني فهور “Cairo Inside Out”، لنفس الكاتب والمصورة، واللي تم إعادة نشره، بمواد جديدة مااتنشرتش قبل كده، وفيه فصل جديد عن توسعات “القاهرة الجديدة”، وفيه بيتم التعرض للحالة المزاجية لمدينة القاهرة بصورة مختلفة ومذهلة من خلال صور تم تصويرها في أماكت كتير في القاهرة الكبرى.

     

    الكتاب الثالث هو  “Ancient Egyptian Jewelry: 50 Masterpieces of Art and Design”، للكاتب نايجل فليتشر جونز، وبيتكلم عن مجوهرات المصريين القدماء، وبنشوف من خلال صفحات الكتاب مجموعة مميزة من مجوهرات متاحف القاهرة الأثرية، واللي بتسرد قصة 3000 سنة من صناعة المجوهرات في مصر.

    الكتب متوفرة في مكتبة الجامعة الأمريكية بوسط القاهرة.

    مقترح