The Definitive Guide to Living in the Capital , Cairo , Egypt

كتب

دليل القاهرة: ستة من أروع المكتبات المستقلة في القاهرة

دليل القاهرة: ستة من أروع المكتبات المستقلة في القاهرة
بواسطة
Sarah Kamel

خلينا نتكلم عن أي هواية أيًا كانت، مثلًا نتكلم عن تجربة شراء الكتب، مش فارقة إن كانت علشان الدراسة، المتعة أو حتى إشباع الحب غير المعقول لرائحة الكتب الجديدة اللي دائمًا بـ يكون لها جمالها وصعوباتها، سلاسل المكتبات الكبيرة في مصر بـ تعمل شغل ممتاز لتلبية احتياجات القراء القاهراوية، بس خارج عالم "ديوان"، "أ" والشروق، هـ تلاقي مكتبات ثانية بـ تعمل نفس الشغل، وكمان عندهم لمسة مختلفة وشكل مميز غير الموجود، وكل ده لتقديم مكان لكل عشاق القراءة يلاقوا فيه مميزات كثيرة عن المكتبات الكبيرة؛ من ضمن المميزات على سبيل المثال أسعار أقل وكتب مغمورة أو قديمة وكمان مكان مناسب للمذاكرة أو الشغل.

الروح هنا هي سر أهمية المكتبات دي لأي عاشق كتب:

 

الكتب خان – Al Kotob Khan

غالبًا هي أهم مكتبة في قائمتنا النهارده، والحقيقة أن الكتب خان في المعادي لها متابعين مخلصين جدًا، والولاء ده استمر رغم أنها غيرت مكانها إلى دجلة من شارع اللاسلكي. الكتب خان تعتبر المكان المُفضَّل لأهل المعادي مش علشان شراء كتبهم بس، علشان القعدة هناك والقراءة أو المذاكرة وأنت بـ تستمتع بأكلة خفيفة لها جو مختلف، أوقات بـ يستضيفوا نقاشات مفتوحة وجلسات قراءة وجميع الأمسيات الأدبية اللي تخطر على بالك.

 

ذا بوك سبوت – The Bookspot

مكان ثاني من منطقة المعادي العصرية المصرية، "ذا بوك سبوت" مكان ساحر بـ يساعد الكتب القديمة أنها تلاقي لها بيوت جديدة وحياة جديدة، ذا بوك سبوت بـ يعرض أحدث الكتب بجانب كتب مستعملة، وبالنسبة للناس اللي بـ تستمتع بالبحث واللمس والفرجة على الكتب هـ يعيشوا وسط عالم رائع من الكتب النادرة أو كتب جامعية زي الجديدة بالضبط. بـ يشاع كمان أن عندهم تدوينات قديمة لـ The Jackpot.

 

مكتبة صوفي – Sufi Bookstore

جوهرة مكانها الزمالك والفضل يرجع أولاً وأخيرًا لأجوائها الهادئة، ومكتبة صوفي في الحقيقة تعتبر مكان هائل بـ يجمع بين ثلاث حاجات: محل هدايا وكافيه ومكتبة.. زمان كانت عبارة عن شقة سكنية، ودلوقت المكان مُقسم لغرفة مليانة كراسي وكتب منتشرة في كل مكان، نسألك سؤال بيننا وبينك؟ عمرك دخلت بيت واحد تعرفه وشوفت حاجة وفكرت تسرقها؟ الموضوع قريب من كده مع الكتب، طبعًا مافيش أي ظروف تبرر أنك تسرق أي حاجة لأن فعلاً كاريزما الكتب أقوى مننا، صوفي كمان بـ تستضيف حفلات ومنها حفلات موسيقى حية.

 

مكتبة مكتوب – Maktoob Bookstore

واحدة من أحدث المكتبات على قائمتنا هي "مكتوب" في الزمالك، وهي مكتبة ومحل في نفس الوقت بـ تقدم خدمة استعارة الكتب بعضوية، بحيث لما تدفع الاشتراك الشهري وقيمته 180 جنيه تقدر تستمتع باستعارة 10 كتب بحد أقصى، وكتابين بس في كل مرة، مكتوب كمان عندها كتب مستعملة، بأسعار مش طبيعية تبدأ من 2.5 جنيه.. أيوه، 2.5 جنيه. لو دورت في أي فتحة في أي كرس جنبك، أكيد هـ تلاقي عملات مرمية تشتري بها لما تروح، تقدر كمان تشرب فنجان قهوة وأكلة خفيفة، بس ليه تعمل كده وقصادك كتب بـ 2.5 جنيه؟ عيييش.

 

فوليوم 1 Volume 1

في واحدة من مقالات كايرو 360 أطلقنا عليها "جنة الفنون والحرفيين"، وفوليوم 1 لهم فروع في المعادي، الناس بتوع المعادي دول عندهم كل حاجة وده ظلم بصراحة، والمهندسين. المكتبة متخصصة في الكتب العربية، وكمان أدوات الفنون والحرف، مع مجموعة مبهرة من المجلات والجرائد المحلية والإقليمية والعالمية.. أيوه، إحنا بـ نتحمس لأي حاجة لها علاقة بالكلام المكتوب، بكل أشكاله المبهرة، بلاش تحكم علينا لو سمحت.. المهم أن الفنانين والحرفيين يقدروا يلاقوا أي حاجة يحتاجوها، رغم أن الأسعار تعتبر أعلى شوية من المتداول.

 

مكتبة آدم – Adam Bookshop

هي القراءة في المعادي منتشرة بالشكل ده فعلًا؟ معانا مكتبة ثانية في المعادي، وتحديدًا في جراند مول، مكتبة آدم تستحق نتكلم عنها بسبب أهميتها للطلبة وأي شخص له علاقة بالتعليم، وبـ تقدم كتب مدرسية ومراجع وقواميس. وطبعًا آدم زي أي مكتبة جيدة بـ تقدم التشكيلة التقليدية من الإكسسوارات والتحف، مع سيديهات للتأمل وكتب عن الفن وروايات ثانية من الأدب المعاصر والكلاسيكي.

 

تسوق سعيد! وبعدها، قراءة سعيدة!

مقترح