The Definitive Guide to Living in the Capital , Cairo , Egypt

كتب

“قصة امرأة حرة”.. سيرة الفنانة لبنى عبد العزيز في كتاب جديد بمكتبات القاهرة

الكاتبة هبة محمد علي كتاب عن لبنى عبد العزيز كتاب قصة امرأة حرة كتب جديدة لبنى عبد العزيز مكتبات القاهرة
“قصة امرأة حرة”.. سيرة الفنانة لبنى عبد العزيز في كتاب جديد بمكتبات القاهرة
    بواسطة
    Mohamed Talaat

    لو كنتم من عشاق الفنانة الكبيرة لبنى عبد العزيز، اللي قدمت أدوار قليلة لكن مؤثرة في تاريخ السينما المصرية، فتقدروا حاليًا تستمتعوا بقراءة كتاب “قصة امرأة حرة” الصادر حديثًا عن دار سما للنشر والتوزع.

    الكتاب اللي أعدته الصحفية هبة محمد علي، بيعرفنا أكتر على سيرة الممثلة الكبيرة اللي ملكت قلوب المصريين والعرب في خمسينيات وستينيات القرن العشرين.

    وبتقول المؤلفة هبة محمد علي إن الكتاب ده مابيقربش من أفلام وأعمال لبنى عبد العزيز السينمائية بقدر ما بيحاول يقرب أكتر من قصة حياتها الإنسانية بداية من الميلاد وحتى النهارده، وبيبدأ بالنشأة والأسرة مرورًا بعملها في الإذاعة والصحافة ووصولًا لدخولها مجال التمثيل.

    وبيستعرض الكتاب سنوات الغربة اللي عاشتها لبنى في الولايات المتحدة الأمريكية مع زوجها الثاني إسماعيل برادة، وهناك أنجبت بناتها ثم عودتها للاستقرار من جديد في بلدها مصر وعودتها القصيرة للفن ومواكبتها لثورة 30 يونيو.

    الكتاب مليان بالمواقف اللي جمعت لبنى بنجوم الفن والأدب والسياسية في مصر سواء اللي اشتغلت معاهم أو اللي جمعت الظروف بينهم، والحكايات دي بتذكر لأول مرة على لسانها.

    الكتاب بيحتوي كمان على مجموعة نادرة من الصور الفوتوغرافية من الأرشيف الخاص بالفنانة لبنى عبد العزيز اللي كانت بتتميز بجمال خاص عن باقي نجمات السينما المصرية.

    ومقدمة الكتاب عبارة عن شهادات عن لبنى عبد العزيز بقلم الكاتب الصحفي مفيد فوزي والفنان القدير سمير صبري وأحمد عبد القدوس، ابن مكتشف لبنى عبد العزيز الكاتب الكبير إحسان عبد القدوس.

    مقترح