The Definitive Guide to Living in the Capital , Cairo , Egypt

مطاعم

أكلة عيد الفطر المفضلة.. أجمد 5 محلات كشري في القاهرة

أكل شعبي أكل مصري عيد الفطر كشري
أكلة عيد الفطر المفضلة.. أجمد 5 محلات كشري في القاهرة
    بواسطة
    Mohamed Talaat

    بعد انتهاء شهر رمضان المبارك، الناس بتبقى مشتاقة أنها تاكل “كشري”، الأكلة الشعبية الأولى في مصر بعد طبق الفول، وده لأن طوال أيام شهر رمضان محلات الكشري بتكون قافلة، ومن النادر تلاقى محل فاتح من المحلات الجامدة واللي تخليكم تقولوا إنكم أكلتم كشري، وعلشان أهمية الأكلة دي، هنقول لكم على أجمد 5 محلات كشري تشتروا منها أجمد طبق في العيد، وبننصحكم بلاش تروحوا المطاعم بنفسكم، وأطلبوا دليفري وخليكم آمنين في البيت.

    التحرير

    من أشهر محلات كشري في مصر، والكشري عندهم مستواه معدي الجمال، ومن كتر ما الناس بتحبه بيبقى زحمة جدًا على طول، وعلشان كده بنأكد عليكم ماتنسوش تطلبوا دليفري، وهما عندهم 13 فرع، وسعر طبق الكشري بيبدأ من 8 جنيه.

    العنوان: 19 شارع عبد الخالق ثروت – وسط البلد – القاهرة.

    رقم التليفون: 19719

    وعلشان تعرفوا أكتر عنهم زوروا ضفحتهم على الفيسبوك من هنا.

    كشرينا

    غير مفهوم الكشري وتعدى الخيال، فبقى يعمل كشري ملفوف وصاروخ وكشري بالشاورما والكشري بتاعه من أجمد الأطباق في القاهرة وله شهرة عظيمة، وطبق الكشري عندهم بيبدأ من 7 جنيه، وهما ليهم 6 فروع.

    العنوان: 8 شارع أحمد زكي.

    رقم التليفون: 19506

    وعلشان تعرفوا أكتر عنهم زوروا صفحتهم على الفيسبوك من هنا.

    حمادة

    أهم ميزة في كشري حمادة هي خدمة العملاء، لأننا جربناهم قبل كده ولما كان بيبقى فيه مشكلة بنلاقيها بتتحل بأسرع وقت ممكن، والكشري بتاعه حلو ومصنوع بحب ومتغلف صح ومنتشرين في كل ارجاء الجمهورية وبيبدأ سعر الطبق عندهم من 8 جنيه، ولهم فروع كتير منتشرة في القاهرة.

    العنوان: شارع البحر الأعظم – أمام القرية الفرعونية – الجيزة.

    رقم التليفون: 19713

    وعلشان تعرفوا أكتر عنهم زوروا صفحتهم على الفيسبوك من هنا.

    سيد حنفي

    ده بقى نقدر نقول عليه “ايه الحلاوة والطعامة دي أقسم بالله”، ومش عاوزين نبقى مبالغين ونقول أنه التوب وفي حته تانية، بس خلينا نقول أنه على رأس قائمة أجمد وأجمل وأحلى كشري في مصر، وعندهم 16 فرع.

    العنوان: ١٩ عمارات شباب المهندسين – امتداد مكرم عبيد – أمام سيتي ستارز – مدينة نصر.

    رقم التليفون: 16920

    وعلشان تعرفوا أكتر عنهم زوروا صفحتهم على الفيسبوك من هنا.

    هند

    من المحلات اللي ليها شهرة في عالم الكشري، وأسعاره بسيطة، وكمان متميزين بالشطة الزيت، وطعم الكشري الجميل، وبيبدأ سعر العلبة عندهم من 6 جنيه، ولهم حاليًا 6 فروع في القاهرة منهم 5 في هليوبوليس.

    العنوان:   74 ش عثمان بن عفان – ميدان سفير – مصر الجديدة.

    رقم التليفون: 0224182223

    وعلشان تعرفوا أكتر عنهم زوروا صفحتهم على الفيسبوك من هنا.

    مقترح