The Definitive Guide to Living in the Capital , Cairo , Egypt

مطاعم

اختيارات كايرو 360: أفضل المطاعم الإيطالية في القاهرة لسنة 2021

أفضل المطاعم الإيطالية لسنة 2021 أفضل مطاعم الأكل الإيطالي أكل ايطالي الأفضل في القاهرة المطبخ الإيطالي
اختيارات كايرو 360: أفضل المطاعم الإيطالية في القاهرة لسنة 2021
    بواسطة
    Cairo 360

    اللي متمكن من المطبخ الإيطالي، أكيد عارف إن “البيتزا” عاملة زي جواز السفر بالنسبة للمطبخ المهم ده، وواحدة من أهم أسباب شهرته عالميًا.

    في القاهرة استدعينا فريق كايرو 360 علشان يحقق في ملف المطاعم الإيطالية في العاصمة، علشان نقدر نعرف مين بيقدم أفضل الأطباق الإيطالية المميزة، ونتايج التحقيق هتلاقوها هنا في الموضوع ده.. منتظرين إيه.. يلا نتعرف على الفائزين بجوائز اختيارات محرري كايرو 360 لسنة 2021 في فرع المطاعم الإيطالية:

     

    بريموز بيتزا –  Primo’s Pizza:

    في كلام بيقول إن كل ما كانت البيتزا تشيزي أكتر، كل ما كانت أحلى، لو أنت موافق على الكلام ده، يبقى لازم تجرب ” بريموز بيتزا ” لإن البيتزا عنده حكاية.

    أوليفو –  Olivo Pizzeria:

    في أوليفو الزمالك وبس، البيتزا هتاخدك لحتة ماروحتهاش قبل كده، سواء بطعمها أو مكوناتها، ده غير خدمة المكان الممتازة، وكانت ورا نجاح المكان.

     

     

    لا تراتوريا –  La Trattoria:

    بشهادة ن فريق “كايرو 360” لا تراتوريا هتاكل فيه بيتزا مالهاش مثيل في أي مكان تاني، وده اللي مخليه واخد وضعه بشكل قوي، وسط كل مطاعم البيتزا في مصر.

    بانيه فينو –     Pane Vino

    بانيه فينو، مش مجرد فيو ومكان تحفة جوه فندق إنتركونتيننتال سميراميس في جاردن سيتي،لأ ده كمان هتاكل فيه بيتزا اتحطت فيها كل المكونات اللي تخليك تدوق أصول المطبخ الإيطالي في كل قطمة وأنت قاعد.

     

    ميزون توماس – Maison Thomas :

    ميزون توماس، أو بيتزا “توماس”.. المكان بيقدم نفس الخدمة ونفس الطعم والنكهة المميزة من سنين في القاهرة، مع مجموعة واسعة من السلطات الطازة والبيتزا والباستا والوجبات (خاصةً وجبة الإسكالوب) والسندويشات والحلويات.

    مقترح