The Definitive Guide to Living in the Capital , Cairo , Egypt

على الرغم أنك ممكن تتخدع وتفتكر أن المطبخ الأمريكي سهل وبسيط إلا أنه غير كده تمامًا، بـ يعتمد بشكل كامل على رضا الزبون، ومش رضا كامل لأنك ممكن تحس بالذنب كل ما تفكر في السعرات اللى هـ يتغير شكل جسمك، بس ده بسبب أنك ببساطة ما قدرتش تقاومها.

للأسف كثير من عناصر المطبخ ده بـ تستخدم بطريقة سيئة جدًا في المطاعم في مصر، زي أنك تلاقى برجر دون المستوى، وبطاطس مزيتة، والأخطاء اللي ممكن تفسد علينا مقبلات تكس- ميكس، لكن قدرت بعض المطاعم القليلة أنها تتخطى الصعوبات دي وتحافظ على مطبخها وتقدم أطباق شهية.

الفائزين في فئة أفضل المطابخ الأمريكية فى جوائز اختيارت محرري كايرو 360 لعام 2015:

 

لورد أوف ذا وينجز – Lord of the Wings

تعتبر الأجنحة من أفضل المقبلات على الإطلاق، لكن للأسف هي أكثر نوع بـ ينفذ بشكل سيء  في كل أنحاء مصر، يعتبر لورد أوف ذا وينجز واحد من المطاعم اللي قدرت فعلًا تحقق التوازن المضبوط ما بين الدجاج المقرمش والصوص اللذيذ.

 

لوسيلز – Lucille’s

حاجة أساسية في المعادي وخاصة فى شارع 9، لوسيلز ده علامة لكل من البرجر والإفطار الرائع، وحير ناس كثير قوي لسنين طويلة بستيك الفراخ المقلية بتاعه.

 

بوتشرز برجر – Butcher’s Burger

من أول ما بدأ في العجوزة، بوتشرز برجر قدر يحقق سمعة كويسة له بسرعة كبيرة جدًا مع فروعه الجديدة في الزمالك والشيخ زايد، واللي بـ يقدم ساندويتشات برجر ضخمة بمكونات درجة أولى، وبـ نتوقع أن شهرة بوتشرز برجر مش هـ تقل أبدًا قريب.

 

مينس – Mince

نجاح مينس السريع بشكل غير معقول جاء نتيجة منهجه الرائع في عمل البرجر وتطوير المنيو بتاعه باستمرار، خليته يقدر يقدم ده في فروعه الثانية كمان في هيليوبوليس والشيخ زايد، وطبعًا الفرع الرئيسي في الزمالك.

 

بلاك ستون بيسترو – Blackstone Bistro

بـ يقدم منيو مبدع ومتوافق مع الجو العام المريح اللي بـ يوفره، قدر يثبت نجاحه في فرعي الزمالك والمعادي، وقدر يجذب متابعين له.

 

برجر كيو – Burgerque

فتح مؤخرًا في المعادي علشان يوفر لسكانها جو مريح لتناول الطعام من خلال برجر مختلف عليه إضافات شهية، وهو مكان مناسب كمان لمشاهدة ماتشات الكورة.

 

جورميه برجر كايرو – Gourmet Burger Cairo

لسه محافظ على مستواه الرائع من ساعة ما بدأ في 2012، جورميه برجر كايرو بـ يقدم تنوع ضخم للبرجر سواء كان بيف أو لحم عجل أو بط أو نعام أو دجاج أو حتى برجر بالخضروات.

 

برجر فاكتوري – Burger Factory

لو بـ تدور على برجر حلو فيه عصارة شهية، يبقى ده مكانك المناسب، كمان بـ يقدموا 100% لحم بقري Angus Beef بـ يتشوي على الفحم.