The Definitive Guide to Living in the Capital , Cairo , Egypt

مطاعم

لسهرة ماتتنسيش.. 5 مطاعم رومانسية في القاهرة

أكل رومانسية ستيك هاوس سموكري عشاء عصمانلي مطاعم نايرو
لسهرة ماتتنسيش.. 5 مطاعم رومانسية في القاهرة
    بواسطة
    Mohamed Talaat

    خلينا نتفق إن الرومانسية عبارة عن “مود” حلو تعيشوا فيه، بس للأسف صعب تخلقوه أو يكون موجود من غير شريك يقدر المود ده، والشريك هنا مش شرط يكون بني آدم تاني، إنما ممكن يكون مكان أو أكلة أو جو أو ديكور، بتغرقوا بيه في عالم تاني، وبتسرقوا فيه لحظات من الدنيا وتعبها.

    ولإن اللحظات الحلوة، والأوقات الرومانسية مابتتعوضش، ومش سهل نجيبها تاني، فريقنا النهاردة في “كايرو 360” قرر يدلكم على أفضل 5 مطاعم رومانسية في القاهرة، تقدروا تعتبروهم شريك ليكم في أجمل لحظات الرومانسية، تعالوا بينا نتعرف عليهم:

    مطعم “revolving restaurant”:

    المطعم ده موجود في فندق “جراند حياة” في جاردن سيتي، وهو يعتبر واحد من أهم المطاعم المتميزة والرومانسية في القاهرة. سعر الفرد فيه بيتراوح مابين 600 لحد 1000 جنيه.

    العنوان: فندق جراند حياة – جاردن سيتي

    رقم التليفون: 01159550330 – 01153388874

    مطعم JW’s Steakhouse:

    في المكان ده هتدوقوا أحلى “ستيك” وهتقعدوا أحلى قعدة رومانسية، والجميل إن تكلفته مش كبيرة، ممكن بـ400 جنيه للفرد تستمتعوا بأجواء رومانسية جميلة.

    العنوان: فندق ماريوت عمر الخيام – الزمالك.

    رقم التليفون: 0227283000

    مطعم The Smokery Egypt:

    المكان بيقدم أكلات مميزة في جو رومانسي من العالي، ده غير إن الخدمة كمان ممتازة. الفرد في The Smokery Egypt بيبدأ من 300 جنيه.

    العنوان: داخل كومبوند “قطامية هايتس” – القاهرة الجديدة.

    رقم التليفون: 0227564591

    مطعم Osmanly Restaurant:

    المطعم بيقدم كل أنواع الأكل اللي هتعجبكم، حتى لو نباتيين، مع تخصص في الأكلات التركية. الخدمة كمان متميزة في المكان والديكور شيك، وبيدخلنا في مود الرومانسية من غير ما نضيع وقت. تكلفة العشاء للفرد بتبدأ من 350 جنيه.

    العنوان: 12 شارع أحمد راغب – فندق كمبينيسكي – جاردن سيتي.

    رقم التليفون: 0227980000

    مطعم Nairu Restaurant:

    مطعم مميز جدًا، وقعدته رومانسية بزيادة، والأكلات الآسيوية هي من أفضل الأكلات اللي بقدمها المكان، علشان كده تصنيفه عالي بين المطاعم الآسيوية. الوجبات الفردية بتبدأ من 500 جنيه.

    العنوان: 136 شارع النيل – فندق فور سيزون – الجيزة.

    رقم التليفون: 0235671890

    مقترح