The Definitive Guide to Living in the Capital , Cairo , Egypt

مطاعم

“لو مش هتاكل اعمل فوتوسيشن”.. 3 مطاعم في القاهرة ديكوراتهم مدهشة

أسماك الشامي أكل أولديش خروجة ديكور مميز قعدة ملوكي مطاعم الدقي مطاعم القاهرة مطاعم وسط البلد مطعم استكانة
“لو مش هتاكل اعمل فوتوسيشن”.. 3 مطاعم في القاهرة ديكوراتهم مدهشة
    بواسطة
    Mohamed Talaat

    أجمل حاجة لما تلاقوا مطعم أو كافيه أكله ومشروباته تكون حلوة، وكمان خدمته كويسة وسعره على قد الإيد، لكن الحقيقة جمال التجربة بيزيد لما المكان نفسه تكون ديكوراته مميزة.. وقتها بنحس إن المعادلة اكتملت فعلًا. ونفسنا بتتفتح على الأكل والشرب، وبنحس إننا نفسيًا مبسوطين.. في الموضوع ده هنعرفكم على 3 مطاعم سعرها معقول وهتبهركم بديكوراتها المميزة.

    Estekana Lounge

    داخل مطعم استناكة الدقي هتعيشوا جو مختلف، بديكورات هتنقلكم لعالم تاني، وهتحسوا أنكم انتقلتم لحقبة ملكية قديمة بفخامة أثاثه وكراسيه الكبيرة وترابيزاته المميزة، والمكان فيه 3 أماكن للأكل، دور علوي، ودور أرضي، وكمان أوبن إيريا.

    وعلشان تعرفوا أكتر عنهم زوروا صفحتهم على فيسبوك من هنا.

    العنوان: 49 شارع ميشيل باخوم، الدقي بجوار نادي الصيد، الجيزة.

    رقم التليفون: 01099757173

    Oldish

    من أجمل الأماكن اللي ديكوراتها مميزة، وهناك هتقدروا تدخلوا في مود لطيف وجميل، سواء قعدتم في الأوبن إيريا أو في الصالة المغلقة، وبيتميز المكان أن قعدته ليها طابع خاص، لا هي بلدي ولا كلاسيكي، هي مزيج مختلف هيخليكم مش عاوزين تقوموا منه.

    تقدروا تتعرفوا عليهم أكتر من خلال صفحتهم على الفيسبوك من هنا.

    العنوان: 20 شارع محمد محمود – خلف الجريك  كامبس – التحرير.

    رقم التليفون : 01060119488

    Fish &chips أسماك الشامي

    لما تكونوا قاعدين في مكان كله ورد وديكورات جميلة مختلفة، وكمان خدمة مميزة، وأكل تحفة، يبقى دي الخروجة الصح اللي كل واحد مننا بيتمناها، وده اللي بيميز أقدم محل سمك في وسط البلد بعد تجديده، ونزود عليهم كمان أن المكان فيه طاقة إيجابية حقيقية، وماتنسوش تتصوروا عند البلكونة بتاعتهم لأنهم رافعين شعار “لو مكلتوش.. اتصوروا”.

    تقدروا تعرفوا أكتر عنهم من خلال صفحة الفيسبوك من هنا.

    العنوان: 37 شارع البستان – بجوار محطة مترو محمد نجيب – باب اللوق.

    رقم التليفون: 01150715825

    مقترح