The Definitive Guide to Living in the Capital , Cairo , Egypt

خان الخليلي من أشهر المناطق السياحية في القاهرة، واللي بيزورها الآلاف يوميًا، سواء من السياح الأجانب أو المصريين العاشقين للتراث، ومن قلب الخان، هنبدأ رحلتنا في درب البادستان، واحد من الشوارع العتيقة اللي لسه محتفظة بروح القاهرة القديمة. هناك، هتلاقي مبنى رقم 5، واللي بيضم واحد من أشهر المعالم في المنطقة: مقهى نجيب محفوظ.

بداية الحكاية

في سنة 1989، تم افتتاح المقهى وهي نفس العام التي حصل فيها على جائزة نوبل للأدب، وبعد استئذانه وموافقته تم تسمية المقهى والمطعم باسمه على الرغم أن كان اسمه “خان الخليلي”، وكان نجيب محفوظ بيحب يقعد في المقهى ده، لأنه قريب من حي الجمالية، مسقط رأسه، ومسرح كتير من رواياته. وكان ليه ترابيزة خاصة، لسه موجودة لحد النهارده، وعليها صورته وبعض من رواياته.

روح العصر الفاطمي

أول ما تدخل المقهى، هتحس إنك دخلت العصر الفاطمي، وده بيرجع لتفاصيل تصميم المكان:

الباب الأثري بنقوشه الإسلامية العتيقة

عامل الاستقبال بالزي الفاطمي

الأرضيات المزينة بالنقوش الإسلامية

النجف النحاسي المضيء والمزين بالآيات القرآنية

مقهى نجيب محفوظ أكتر من مجرد مكان مش بس للجلوس أو الأكل، ده كمان مكتبة فنية وأدبية، هتلاقي فيه كتب نجيب محفوظ في كل ركن، وأسماء رواياته محفورة على الأثاث، ومن الطريف إن نجيب محفوظ بنفسه وافق على تسمية المكان باسمه، وساب توقيعه على أحد جدرانه.

مواعيد العمل

المكان بيشتغل يوميًا من الساعة 10 صباحًا لحد منتصف الليل، وده بيواكب عادة أهل القاهرة في السهر والاستمتاع بجو الحارة المصرية الأصيلة.

تقدروا تعرفوا أكتر عن مقهى ومطعم نجيب محفوظ من خلال صفحتهم على فيسبوك من هنا.