The Definitive Guide to Living in the Capital , Cairo , Egypt

مطاعم

وجبة بـ50 جنيه.. 5 مطاعم على قد الإيد تقدر تتغدى فيهم

50 جنيه أرابياتا أكل الزمالك الشيخ المعادي المهندسين بندق رخيص زهراء المعادي طبالي غداء ماجيستي مصر الجديدة مطعم
وجبة بـ50 جنيه.. 5 مطاعم على قد الإيد تقدر تتغدى فيهم
    بواسطة
    Mohamed Talaat

    من أول ما يهل علينا نص الشهر، بنبقى غالبًا كلنا في موقف لا نحسد عليه، يعني لا بنبقى مفلسين، ولا معانا فلوس، حاجة كده في النص، أو زي ما بنقول بالبلدي “على القد” وساعتها بنبدأ نحسبها ولازم تبقى الحسبة صح على نقدر نكمل لآخر الشهر.

    علشان كده، وعلشان حسينا بالمعاناة، قررنا في “كايرو 360” نقولكم على مطاعم حلوة تقدروا تطلبوا منها وجبات غداء بمتوسط سعر 50 جنيه بس، وإن شالله ما حد حوش:

    طبالي – الزمالك:

    المطعم ده عنده من الإبرة للصاروخ زي ما بنقول، وتقدروا تختاروا من منيو الغداء زي ما انتوا عاوزين، كفتة – حواوشي – سجق – كبدة – شاورما، وكل ده يبدأ من 28 جنيه للوجبة الواحدة، ده غير كمان الكشري والفول والطعمية وخلافه، وله فروع في “الزمالك – مصر الجديدة – القاهرة الجديدة”.

    العنوان: 13 شارع أحمد حشمت – بجوار سعودي ماركت – الزمالك

    رقم التليفون: 19061

    صفحة الفيسبوك من هنا.

    ماجيستي – المهندسين:

    تقدروا تاكلوا من عنده مكرونات سعرها يبدأ من 21 جنيه، أو بيتزا سعرها من أول 35 جنيه، وعندهم كريب بكل أنواعه سعره 24 جنيه وانت طالع، وفطائر حادق من 34 جنيه، غير سندوتشات الفطير اللي تعتبر وجبة حلوة وتبدأ من 26.25 جنيه.

    العنوان: ٣١ شارع جامعة الدول العربية – المهندسين

    رقم التليفون: 19915

    صفحة الفيسبوك من هنا.

    أرابياتا – مصر الجديدة:

    ممكن تطلبوا ربع فرخة مع رز ومخلل وعيش لبناني صاج وسلطة أو ثومية بسعر 37 جنيه، ده غير السندوتشات الكتير من كل الأنواع بدايةً من اللحوم أو الفراخ اللي بتبدأ من 24 جنيه، لحد الشاورما اللي سعرها 15 جنيه فما فوق.

    العنوان: ٣٩ شارع الخليفة المأمون – مصر الجديدة – روكسي

    رقم التليفون: 16919

    صفحة الفيسبوك من هنا.

    بندق – المعادي:

    ده بقى عنده وجبات أكل حلوة وتكفي وسعرها على قد الإيد بجد، ووجبات الفراخ الروستو عنده بتبدأ من 35 جنيه، ووجبات الـ “تندر” بـ 50 جنيه، والرول بيبدأ من 32 جنيه، غير رول البطاطس اللي بـ 10 جنيه، والـ “ريزو” عنده حكاية وبـ35 جنيه بس، والرز بالجمبري كمان بـ 45 جنيه، غير السندوتشات اللي بتبدأ من 28 جنيه.

    العنوان: شارع الـ 50 – زهراء المعادى

    رقم التليفون: 01018858808 / 01119560111/ 01202291495

    صفحة الفيسبوك من هنا.

    الشيخ – مدينة نصر:

    تقدروا في المطعم ده تاكلوا وجبة نص فرخة بسعر 48 جنيه، أو كبدة كندوز في وجبة بتبدأ من 32.5 جنيه، وشيش طاووق بسعر 33.75 جنيه، وصدور فراخ على الفحم بتبدأ من 36.25 جنيه.

    العنوان: 51 شارع حسن المأمون، أمام مركز التيسير الطبي، الحي الـ 8

    رقم التليفون: 01016770074 – 01152810100 – 01228160375 – 0224716810

    مقترح