The Definitive Guide to Living in the Capital , Cairo , Egypt

مطاعم

5 مطاعم على قد الإيد تقدر تقضي فيهم ليلة رأس السنة

الخيمة البدوية تبولة تراسينا خروجة راس السنة سهرة كريسماس مطعم مولانا ميزانية هارد روك
5 مطاعم على قد الإيد تقدر تقضي فيهم ليلة رأس السنة
بواسطة
Mohamed Talaat

كتير مننا بيدور على خروجات في ليلة رأس السنة. وعلشان متتعبش وتلف كتير، إحنا في كايرو 360 هنرشح لك 5 مطاعم، تقدر تحتفل فيهم بالسنة الجديدة 2019، من غير ما تدفع فلوس كتير.

1- تبولة – الزمالك

مطعم تبولة، شارع المرعشلي في الزمالك، قرر يحتفل برأس السنة مع نجوم جدد، وكمان DJ. وهيكون فيه هدايا للحضور. أكلهم كله لبناني.

المنيو من هنا.

صفحة الفيسبوك 

2- مولانا – الدقي

أما مطعم مولانا، 80 شارع مصدق ، فده هيعمل حفلة كبيرة كلها تنطيط وسموها “طربوش بارتي”. كل الناس هتلبس طرابيش، مع قعدة عربي ملوكي. وهيبقى في فقرة عزف على العود للفنان خالد تاج. بخلاف الأغاني والموسيقى. ولما الساعة 12 تيجي، هيفتحوا أزايز تمر وعرقسوس وكركديه.

المنيو من هنا.

صفحة فيسبوك

3- الخيمة البدوية – الوراق

الخيمة البدوية حاجة مختلفة على النيل، في الواراق الجديدة. عندهم أكل وشرب وليلة كبيرة. عاملين حفلة بأسعار مميزة في رأس السنة، هيبقى فيها مغنى ورقص ووجبة ومشروب بـ 150 جنيه للفرد.

صفحة الفيسبوك

4- تراسينا – كورنيش المعادي

دول بقى عاملين حفلة كبيرة جدًا من 7 بالليل لـ 3 الصبح، احتفالًا بليلة رأس السنة. مكانهم على كورنيش المعادي، نادي الشاطئ الحربي. هيبقى في برنامج كامل: مطربين، DJ، لعب وتصوير وأكل، فاير شو وعرض تنوره. ده غير الرحلة النيلية الممتعة. سعر التيكت بدون عشاء 400 جنيه، ولو أوبن بوفيه 500 جنيه. بخلاف عروض للكابلز.

وماتنسوش لازم الحجز، ممكن تعرفوا إزاي من خلال أرقامهم: 01000555405 – 01149261677 – 01017393309.

صفحة الفيسبوك

5- أتلانتس كورنر

وفي المنيل وبالتحديد في شارع عبد العزيز آل سعود، على النيل “أتلانتس كورنر” عاملين مفاجأة بوجود الفنان محمد عدوية والفنان عبد الباسط حمودة، ونجوم كتير كمان، وعرض تنورة، مع عشاء ومشروبات وللحجز لازم تتصل بهم على أرقامهم (01200000761 – 01210001363 – 01210001364 – 01210001353).

صفحة الفيسبوك

 

مقترح