The Definitive Guide to Living in the Capital , Cairo , Egypt

المطاعم في مصر مبقتش مجرد طبق مميز أو أكلة مختلفة ولكنها أصبحت تجربة فريدة متميزة بتستمتع من خلالها بأفضل خدمة وفيو وجودة، ولو أنتوا من عشاق الأكل فإحنا في كايرو 360 هنرشحلكم 6 مطاعم مصرية شملتهم قائمة أفضل 50 مطعم بالشرق الأوسط “theworlds50best”  وبيقدموا تجربة متكاملة متميزة تبهركم.

خوفو

مطعم خوفو من أجمل المطاعم اللي بتقدم تجربة متكاملة سواء بالخدمة أو قائمة الطعام، والفيو بتاعها على الأهرامات مباشرة، والمطعم موجود داخل منطقة الأهرامات، وحصل على المركز الرابع في قائمة أفضل 50 مطعم بالشرق الأوسط، ووجبات الفطار بتبدأ عندهم من الساعة 9 صباحًا حتى 12:30 ظهرًا، والغداء من الساعة 1 ظهرًا، حتى 4 عصرًا، ولازم الحجز.

العنوان: نزلة السمان – داخل منطقة الأهرامات – الجيزة.

رقم التليفون: 01279999562

تقدروا تعرفوا أكتر عنهم من خلال صفحة الفيسبوك من هنا.

زوبا

أشهر وأغلى مطعم أكلات شعبية في مصر، وبيقدموا تجربة فريدة في تقديم الفول والطعمية بجودة ممتازة، وعندهم منتجات مصرية شعبية كتير للفطار والغذاء والعشاء، ولهم 9 فروع بالقاهرة وكمان موجودين في السعودية والبحرين والكويت، وشعارهم “فريش بطعم القاهرة”، والمطعم حصل على الترتيب 21 في القائمة.

العنوان: 16 شارع 26 يوليو – الزمالك.

رقم التليفون: 16082

تقدروا تعرفوا أكتر عنهم من خلال صفحة الفيسبوك من هنا.

كازوكو

وفي الترتيب 24 موجود مطعم كازوكو اللي بيقدم السوشي والساشيمي وغيرهمن الأطباق المبتكرة، وهو ممتاز لمحبين الأكل الياباني وبيجمع بين الجودة والتقديم للأطباق بشكل مميز والذوق الراقي.

العنوان: SWAN LAKE – القاهرة الجديدة.

رقم التليفون: 01270004877

تقدروا تعرفوا أكتر عنهم من خلال صفحة الفيسبوك من هنا.

إيزاكايا

يعتبر من أهم مطاعم السوشي ومن الأفضل دايمًا، وبيقدم تجربة استئنائية بالسمك الطازج بجودة عالية وأكلات مبتكرة بطرق تقديم متميزة وأجواء رومانسية وهو حصل على المركز 34 في قائمة أفضل المطاعم بالشرق الأوسط.

العنوان: بالم هيلز – الشيخ زايد – الجيزة.

رقم التليفون: 01271116223

تقدروا تعرفوا أكتر عنهم من خلال صفحة الفيسبوك من هنا.

ساتشي

وحصل فرع القاهرة على المركز 27 وفرع الجيزة على المركز 40 في القائمة، وهو المكان المنشود لمحبي الأكل المختلف الممزوج بالأجواء الراقية ولمحبي الفخامة، وبيقدموا لأكلات مختلفة بطرق مبتكرة سواء أطباق السوشي، أو المشويات، أو الروباتا اليابانية.

العنوان: 3 شارع كليوباترا – مصر الجديدة.

رقم التليفون: 01280902028

تقدروا تعرفوا أكتر عنهم من خلال صفحة الفيسبوك من هنا.

ريف كوشياكي

وأخيرًا في المركز 47 ضمن قائمة أفضل 50 مطعم بالشرق الأوسط مطعم ريف كوشياكي المصمم على طراز عائلي يجمع بين أفضل خدمة ومكونات عالية الجودة مختارة بعناية من المطبخ الآسيوي والياباني والصحي، وبيتميز بتقديم الأطباق بطرق مبتكرة هتشجعكم لزيارته أكثر من مرة.

العنوان: مول  5A – ووتر واي – القاهرة الجديدة.

رقم التليفون:  01280446862

تقدروا تعرفوا أكتر عنهم من خلال صفحة الفيسبوك من هنا.