The Definitive Guide to Living in the Capital , Cairo , Egypt

مطاعم

7 مطاعم بيقدموا أحلى إفطار في المعادي

أحلى فطار إفطار الصبح المعادي المولينو زوبا فطار كراكس لوسيلز مطاعم القاهرة
7 مطاعم بيقدموا أحلى إفطار في المعادي
    بواسطة
    Cairo 360

    مافيش أجمل من أنك تفطر على رواقة في مطعم حلو مع قعدة مريحة للأعصاب تساعدك تفصل عن مسئولياتك وتبدأ يومك بنشاط، ويا سلام بقى لو الفطار كان في المعادي، حيث الأشجار في كل مكان.. في الموضوع ده جمعنا لكم 7 مطاعم مميزة في المعادي بيقدموا أحلى إفطار ملوكي. تعالوا نعرفهم مع بعض: 

    إل مولينو – Il Mulino

    أحلى أكل إيطالي ممكن تجربه للفطار سواء أحلى أنواع الساندوتشات أو ريحة العيش المخبوز اللي تخليك في عالم تاني مع قهوة الصبح. مش هتشبع أبدًا من كل الحاجات اللي بيقدمها.

    أوفيو – Ovio

    أكل عالمي من أكتر من مطبخ لكن جميل جمال مالوش مثال، ما بين المخبوزات بأنواعها، أو المربى اللي بيعملها مخصوص، أو حتى البان كيك، هتستمتع بأي طبق يقدمه لأنه معمول بحرفية شديدة.

    كراكس – Caracas

    أحلى فطار لبناني ممكن تجربه، يعني منقوشة زعتر على صفيحة لبنة، على سجق بدبس الرمان وفلافل مافيش زيها، الأكل عند كراكس مع القعدة المميزة والهادية الصبح في المعادي ما تتعوضش.

    جاريدز بيجل – Jared’s Bagels

    برغم إن المكان يعتبر صغير في دجلة المعادي إلا أنه من الأماكن القليلة اللي بيتقدم بيجل في القاهرة، والبيجل هو حاجة شبه الدونتس يعني عجينة مدورة مفرغة من النص، وبتحط جواها اللي أنت عاوزه سواء بيض أو جبنة أو سالمون، المهم أن طعمها حكاية، وعندهم فطار عادي كمان، بس الأحلى نوع القهوة الخطير اللي بيقدموه.

    لوسيلز – Lucille’s

    أحلى بانكيك ممكن تجربها في حياتك، ده غير أنواع الفطار اللي بيقدمها واللي بتتنوع طريقة عمل البيض فيها مع اللي تختاره من وجبات جانبية.

    رالفز جيرمن بيكري – Ralph’s German Bakery

    مخبوزات تجنن هشة وطازة، صحيح القعدة صغيرة شوية لكن جودة الأطباق تخليك مستمتع بكل حاجة بتطلبها.

    زوبا – Zooba

    أكل مصري نضيف من اللي قلبك يحبه، ما بين الفول والطعمية والجبنة بالطماطم وأنواع المخلل، هتقدر تستمتع بفطار مصري ما يتعبش معدتك لأنه معمول بنضافة وسعره معقول.

    مقترح