The Definitive Guide to Living in the Capital , Cairo , Egypt

رنا شرف

الصورة: Toa Heftiba

الخروجة الأولى أو أي مناسبة رومانسية بتسيب انطباع كبير، والمكان اللي بتختاره ممكن يخلي اليوم ذكرى جميلة أو مجرد خروجة عادية. علشان كده اختيار المطعم أو الكافيه المناسب بيفرق جدًا، سواء في الديكور، الأجواء، نوع الأكل، أو حتى الفيو. علشان نسهل عليك الاختيار، جمعنالك 5 أماكن مميزة في القاهرة ينفعوا كخيار مثالي لخروجة رومانسية مع حبيبك.

أم شريف

لو بتحبوا الأجواء الفخمة والديكور الراقي مع الأكل اللبناني الأصيل، يبقى مطعم “أم شريف” اختيار رائع. المكان أنيق، مريح للعين، والأجواء فيه بتجمع بين الشياكة والدفء. ده غير أن الأكل اللبناني عندهم غني بالنكهات وبيحبه ناس كتير.

موري سوشي

ل lovers السوشي والأكلات اليابانية، “موري سوشي” من الأماكن اللي لازم تجربوها. المطعم معروف بأجواءه غير التقليدية وبأطباق السوشي المبتكرة. المكان مثالي لو عاوز خروجة مختلفة، خصوصًا إن جمهور السوشي بيحب دايمًا يكتشف الجديد.

9 بيراميدز لاونج

لو نفسك في فيو أسطوري، “9 Pyramids Lounge” عند الأهرامات بيجمع بين الأكل المصري الأصيل والأجواء التاريخية. تخيلوا نفسكم قاعدين قدام منظر الأهرامات وأنتم في أجواء رومانسية لا تتكرر.

ليتل أوشن

مطعم للأسماك لكن مش عادي، “ليتل أوشن” بيقدم تجربة فخمة وراقية وسط ديكورات أنيقة. هتختاروا السمك بنفسكم وهو بيتعمل فريش قدامكم. الأجواء واسعة وشيك، وبتدي إحساس بالرفاهية.

حجوجة
لو بتحبوا الجو البسيط واللمسة الريفية، “حجوجة” مكان مصري شعبي أصيل بيقدم أكلات ريفية لذيذة. المكان هادي وودود، مناسب لو عاوزين خروجة دافية بعيد عن الرسميات والفخامة.