The Definitive Guide to Living in the Capital , Cairo , Egypt

معالم وسياحة

أسسه رجل أعمال مصري في “شيكاغو”.. حكاية أهم متحف للساعات في العالم (صور)

رجل الأعمال كميل حليم متاحف مصرية عالمية متحف الساعات والزجاج متحف حليم متحف مصري في أمريكا
أسسه رجل أعمال مصري في “شيكاغو”.. حكاية أهم متحف للساعات في العالم (صور)
    بواسطة
    Omar Abd-elmaqsoud

    المصريين بيثبتوا نفسهم في كل مكان في العالم، ومن الحاجات العظيمة اللي حققها مواطن مصري هو متحف “حليم” في الولايات المتحدة، واللي تم افتتاحه في أكتوبر 2017 كأول متحف مصري بتؤسسه عائلة المهندس كميل حليم رجل الأعمال المصري الشهير في شيكاغو الأمريكية.

    المتحف بيحتوي على أجمل القطع التاريخية من القرن الـ 14، ولحد القرن الـ 18، وكلها قطع نادرة وثمينة تم تجميعها من جميع أنحاء العالم خلال 30 سنة.

    واستغرق بناء المتحف، اللي بيتكون من 5 طوابق، 11 سنة، بتصميم مصري خالص، والهدف إنه يكون مبنى مميز بيعبر عن القدرات المصرية.

    ونجح المتحف في فترة قصيرة إنه يكون مزار عالمي لهواة جمع التحف القديمة والقيمة.

    بيحتوي المتحف على أقدم الساعات في العالم، وبيضم كمان تحف تم جمعها من الأديرة والكنائس القديمة، ومنها لوحات وأيقونات كانت مرسومة على الزجاج المعشق لفنانين عالميين.

    المتحف بيعرض كمان قطع عديدة مرتبطة بالحضارة المصرية، زي أول ساعة فرعونية، وساعات بتخص الملك فاروق، وساعات لنابليون بونابرت، وأيقونات بتخلد دخول أسرة السيد المسيح مصر واحتمائهم بيها، ده غير مجموعة فريدة من أعمال الفنان العالمي “تيفاني”.

    وبيقول رجل الأعمال المصري كميل حليم مؤسس المتحف إن مصر حاضرة بقوة في كل أعمال المتحف، وبيضيف إن المتحف بيضم مجموعة من الساعات النادرة للغاية اللي قام بجمعها مع زوجته السيدة هدى خلال 30 سنة، وكلها بتروى بشكل راقي حكايات البشر مع الوقت ومرور الزمن.

    الساعات الموجودة في المتحف تم جمعها من جميع أنحاء العالم، ومالهاش مثيل في أي مكان تاني، وعددها بيزيد عن ألف ساعة، وبيتكون المتحف من عدة أجنحة منها الجناح الآسيوي والأوروبي والأمريكي، وساعات اليد والساعات اللي كانت بتستخدم لمعرفة الوقت في السفن.

    للتعرف أكتر على المتحف زوروا موقعه الرسمي من هنا.

    مقترح