The Definitive Guide to Living in the Capital , Cairo , Egypt

معالم وسياحة

أوبرا “توت عنخ آمون”.. آخر مفاجآت الفرعون الذهبي

أوبرا توت عنخ آمون توت عنخ آمون زاهي حواس نفرتيتي
أوبرا “توت عنخ آمون”.. آخر مفاجآت الفرعون الذهبي
    بواسطة
    Cairo 360

    من ساعة ما تم الإعلان عن إنشاء المتحف المصري الكبير، وبدأت المفاجآت تظهر، وبعد إعلان موعد أفتتاحه في 2020، بدأنا نسمع عن مفاجآت أكتر وأكتر، والنهارده هنقول لكم على مفاجأة جديدة هتكون على هامش افتتاح المتحف، وهي أوبرا “توت عنخ آمون”.

    المفاجأة دي كشف عنها الدكتور “زاهي حواس” في مكالمة تلفونية مع الإعلامي “عمرو أديب” في برنامج “الحكاية” على “mbc مصر” وقال إنه ميلاد أوبرا جديدة باسم “توت عنخ آمون” هيتم الإعلان عنه في نيويورك خلال شهر أكتوبر الجاي بمشاركة فنانين عالميين، وهيكتب هو الإسكريبت الخاص بالأوبرا دي.

    حواس في مكالمته قال، إن أوبرا “عايدة” بقالها النهارده 148 سنة، وجه الوقت علشان تتغير، الأوبرا الجديدة هتكون باسم “توت عنخ آمون” باعتباره البطل في المتحف المصري الجديد، وإنه في 4 نوفمبر 2022 هيكون عدى 100 سنة على اكتشاف مقبرته المثيرة للجدل، وده الحدث اللي العالم كله هيحتفل بيه، نظرًا لاهتمامهم بالفرعون الذهبي.

    المشهد الأول في العرض الأوبرالي هيكون حوالين ميلاد توت عنخ آمون في “تل العمارنة” في الوقت اللي كانت نفرتيتي مرات أخناتون عندها 6 بنات، وده كان سبب إنها تضايق جدًا، لإن بكده توت عنخ آمون هو اللي هيبقى الملك مش واحدة من بناتها، فبالتالي استعانت نفرتيتي بكاهن شرير علشان تقتل توت عنخ آمون لكن حور محب تمكن من إنقاذه.

    مقترح