The Definitive Guide to Living in the Capital , Cairo , Egypt

بقلم: أحمد سمري

اللي بنى مصر كان في الأصل حلواني، وعلشان كده مصر يا ولاد حلوة الحلوات، كلمات عمنا سيد حجاب اللي غناها الفنان علي الحجار في تتر مسلسل “بوابة الحلواني” واللي بنتوارثها جيل ورا جيل، وعمرنا ما بطلنا نسمعها، وده لإن حلاوة مصر كل يوم بتزيد، وبنكتشف فيها حاجات أحلى وأحلى كل ما بنكبر فيها.

ومن أحلى الحاجات في مصر طبيعتها وجوها اللي ربنا خلاهم سبب في إنها في أوقات بتكون سبب لعلاج وتداوي ناس كتير من أمراض كتير، وعلشان كده اﻟﺴﯿﺎﺣﺔ اﻟﻌﻼﺟﯿﺔ في ﻣﺪن كتير في مصر متفوقة على غيرها من مدن العالم، وده بسبب حاجات كتير زي الميه اﻟﻤﻌﺪﻧﯿﺔ واﻟﻜﺒﺮﯾﺘﯿﺔ، والجو اﻟﺠﺎف وﺗﺮﺑﺘﮭﺎ المكونة ﻣﻦ رﻣل وطﻤﻲ ينفع ﻟﻌﻼج أﻣﺮاض كتير، ده غير ﺷﻮاطﺌﮭﺎ ومياه ﺑﺤﺎرھﺎ اللي ليها ﺧﻮاص طﺒﯿﻌﯿﺔ ﻣﻤﯿﺰة .

ﻤﻨﺎطﻖ اﻟﺴﯿﺎﺣﯿﺔ العلاجية في مصر كتيرة ومميزة وليها ﺷﮭﺮة ﺗﺎرﯾﺨﯿﺔ ﻋﺮﯾﻘﺔ، زي ﺣﻠﻮان، وﻋﯿﻦ اﻟﺼﯿﺮة، واﻟﻌﯿﻦ اﻟﺴﺨﻨﺔ، واﻟﻐﺮدﻗﺔ، واﻟﻔﯿﻮم، وﻣﻨﻄﻘﺔ اﻟﻮاﺣﺎت، وأﺳﻮان، وﺳﯿﻨﺎء، وﺳﻔﺎﺟﺎ اللي موجودة ﻋﻠﻰ ﺷﺎطﺊ اﻟﺒﺤﺮ اﻷﺣﻤﺮ، واﻟلي فيها ﻋﻨﺎﺻﺮ ﺴﯿﺎﺣﺔ علاﺟﯿﺔ جبارة، وبتزورها أﻓﻮاج ﺴﯿﺎﺣﯿﺔ كتير، وده بسبب ﺷﮭﺮتها “باﻟﺮﻣل الأسود” واللي ليه ﻘﺪرة عجيبة على الاستشفاء ﻣﻦ ﺑﻌﺾ اﻷﻣﺮاض اﻟﺠﻠﺪﯾﺔ.

فى الفترة الاخيرة ظهرت دراسات كتير بتتكلم عن اكتشافات علميه بتؤكد ان الكثبان الرمليه الموجوده في الصحراء المصريه فيها نسب عالية من العناصر المشعة، لكن عناصر مشعة آمنة ومش مضرة ولا مؤذية بالعكس ليها نتائج علاجية مبهرة، وده بيتم عن طريق دفن الجسم أو الأماكن اللى بنعاني من الألم فيها فى الرمال لفترات محددة بعناية.

ولما ده فعلًا حصل، لقينا نتايج مبهرة فى علاج بعض الأمراض، زي مرض الروماتويد والآلام الناتجةعن أمراض العمود الفقرى، وأغلب الآلام الناتجة عن وجع العظام.

مؤخرًا في مصر، انتبهنا لأهمية النوع ده من السياحة، وقدمنا اهتمام ورعاية علشان نوصل بيها لإنها تكون من أرقى أماكن الإستشفاء العالمية.

وفعلًا احتلت مصر موقع مميز جدًا على خريطة السياحة العلاجية العالمية، وبقت من أوائل الدول اللى بيقصدها السائحين علشان يستمتعو بالمناخ الصحي والعلاج الطبيعي، وتحت إشراف كوادر طبية متميزة.

ولإن الموضوع ده مهم جدًا، قلنا نقدم لكم دليل كايرو 360 بنتمنى إنه يساعدكم في رحلتكم لأشهر أماكن السياحة العلاجية في مصر:

نبتدي بأقرب مكان من القاهرة، واللي هو:

حلوان

حلوان بتتمز بجو جاف ونسب رطوبة منخفضة تقريًا ما تتعداش 58% ، ده غير العيون المعدنية والكبريتية اللي مالهاش مثيل فى العالم من حيث درجة نقاء العيون، والفوايد العلاجية الموجودة فيها.

 حمام فرعون:

حمام فرعون بعيد عن شاطىء قناة السويس تقريبًا حوالي 100 كيلومتر، وهو عبارة عن 15 عين بيطلع منها مياه سخنة درجة حرارتها ما بين 55 لـ 75 درجة مئوية، وده بدون أي تدخل بشري، وطبعًا بتستخدم فى علاج أمراض كتير زي ما قولنا قبل كده.

 حمام موسي:

وده تقريبًا واحد من أشهر معالم السياحة العلاجية  فى مصر، موجود في سيناء، وتحديدًا فى شمال مدينة الطور، ومساحته تقريبًا 3 كيلو متر.

المكان ده غريب أوي، بيطلع منه مياه كبريتية سخنة عن طريق خمس عيون كلهم بيصبو فى حمام على شكل حوض، والسباحة في المياه دي بيعالج أغلب الأمراض الجلدية الصعبة.

 عين رأس سدر الكبريتية:

رأس سدر يتطل على خليج السويس على ساحل البحر الأحمر، وبتتكون من تلات مناطق، هما ( وادي سدر –ابو صويرة – سدر) المنطقة معروفة من زمان من عهد الدولة المصرية القديمة (مصر الفرعونيه) وحتي فى زمن النبي موسي عليه السلام وكمان فى زمن المسيح ابن مريم عليه السلام وحتي كانت معروفة برضه فى زمن الإغريق والرومان.

من زمان جدًا والمدينة دي بيجيلها سياح من كل البلاد بشكل متزايد لإنها فعلًا بتتمتع بسواحل رملية مفيش فيها أعشاب كتير، ده غير المياه الهادية والأماكن الأثرية كتير، زي قلعة الجندي، أو (قلعة سدر).

القلعة مبنية من الصخر، وأسسها صلاح الدين، وفيها حمامات فرعون المشهورة برضه، واللى بتطلع منها المياه من الجبل نفسه بصورة طبيعية.

 العيون الساخنه (واحة سيوة) :

العيون السخنة في سيوة طبعًا أشهر من نار على علم، بس خلونا نقول لكم كام معلومة من واقع زيارتنا ليها، عيون المياه المعدنية دي منتشرة فى واحة سيوة، وأغلبها بيستخدم للعلاج الطبيعي لعلاج أمراض جلدية مختلفة زي الصدفية، وأﻣﺮاض اﻟﺠﮭﺎز اﻟﮭﻀﻤﻲ واﻷﻣﺮاض اﻟﺮوﻣﺎﺗﺰﻣﯿﺔ .

ومن أشهر العيون دي بير (ﻛﺈﯾﻐﺎر) درجة حرارة البير ده محيرة، تقريبًا حوالي 67 درجه مئوية، ولما حللو مياه البير ده، لقوا إنه بيحتوي على مجموعة من العناصر المعدنية والكبريتية بنفس النسب الموجودة في منطقة “ﻛﺎرﻟﻮ ﻓﯿﻔﺎرى” اﻟمشهورة في التشيك، واللي بيروحها السياح من كل أنحاء العالم، لإنها بتعتبر من أشهر منتجعات العلاج الطبيعي.

 الواحات البحرية:

جزء من محافظه الجيزة, وموجود فيها تقريبا 400 عين طبيعية للمياه المعدنية والكبريتية الدافية والباردة وليها شهرة واسعة وسط السياح اللي بيجيوا بغرض الاستشفاء، وخاصة فى منطقة عيون “بير حلفا” اللي بيتميز بدرجة حرارة 45 درجة مئوية تقريبًا.

 كمان فى مناطق تانيه في الواحات زي منطقة الآبار الرومانية التاريخية المشهورة، وكمان بير “البشمو” المشهور واللي بتستمد المياه بتاعتها من مصدرين، واحد بارد والتاني سخن والاتنين بيصبو فى مجري صغري عميق واحد.

 جبل الدكرور:

الجبل مشهور عند أهالى واحة سيوة من زمان جدًا، وبيتميز المكان بعلاج اﻣﺮاض اﻟﺮوﻣﺎﺗﺰم وآﻻم اﻟﻤﻔﺎﺻﻞ واﻟﺸﻌﻮر ﺑﺎﻟﻀﻌﻒ واﻟﻮھﻦ.

أهل سيوة بيعتبروا جبل مشهور جبل مقدس، واللي بيعالج الناس هناك مجموعة من الشيوخ المتخصصين فى العلاج بالدفن فى الرمل.

وده بيكون عن طريق دفن الجسم فى الرمل لفترات زمنيه معينه بتتراوح بين الربع ساعه والنص ساعه فى اليوم لمدة أسبوعين فى شهور الصيف، وبيتكم عن طريق ناش متخصصة وفى أوقات محددة فى النهار

أبار موط:

أغلبنا يمكن أول مرة يسمع الاسم ده أصلاً، لكن آبار “موط” دي موجودة على بعد 3 كيلو متر من مدينة “موط” عاصمة محافظة الداخلة.

آبار “موط” عبارة عن مجموعه آبار طبيعية بتتميز بالمياه السخنة اللى حراراتها حوالي 43 درجة مئوية.

 جزيرة الفنتين:

الجزيرة دي أعجوبة من عجائب البيئة العلاجية المصرية، لإن فيها مجموعة من حمامات الدفن فى الرمال بغرض العلاج – تقدر تستفيد جدًا من المكان وطاقته، خصوصا من شهر مارس لشهر اكتوبر فى كل سنة، علشان أشعة الشمس بتكون فى أعلى معدلاتها فى المكان، وده بيساهم فى الحصول على أحسن نتايج فى العلاج بالدفن فى الرمال.

 أسوان

زهرة جنوب مصر، وأجمل وأروع مشتى على مستوى العالم، طبعا مش محتاجين نتكلم على كم الآثار الرائعة الموجودة هناك.

بتتميز أسوان من الناحيه العلاجيه بإن جوها مناسب جدًا لمرضى الكلى والجهاز التنفسي وأمراض الروماتيزم، وفيها مركزين للعلاج بالرمال والمياه، وطريقة العلاج  في المركزين عبارة عن برامج مخصصه للدفن فى الرمال الساخنة بأسلوب علمي مدروس.

 الفرافرة:

وتحديدًا بير “سته” وده بير عميق جدًا، ومن الآبار ذات التدفق الذاتي، وهو بيبعد عن مدينه الفرارة 6 كيلو متر، ودرجه حرارة البير 24 درجة مئوية تقريبًا، وثابتة تقريبًا أغلب أيام السنة.

المكان كمان فيه الصحراء البيضاء المشهورة، واللي بيجيلها السياح من كل أنحاء العالم، وبتربط واحة الفرافرة بالواحات القريبة منها.

بينتشر في الفرافرة مجموعة من النباتات والأعشاب البرية اللى بتستخدم فى الأغراض العلاجية زي النعناع والكركديه والدميسه، ده غير نبات “اﻹﺟﻠﯿﺞ” أو ﺑﻠﺢ اﻟﺴﻜﺮ، ونبات “الحنظل” اللى بيستخدم فى علاج مرضى السكر.

 النوبه:

النوبيين من أوائل الناس اللى عرفت قيمة الدفن فى الرمل الساخن وقت سطوح نور الشمس لعلاج التهابات المفاصل وتنشيط الدورة الدموية، ولذلك بيمارسوا الدفن ده بطريقتهم الخاصة والفريدة، واللي هي “بخة الطمي النيلي” أو “الدميرة” ومفيدة جدًا في علاج الصداع النصفي المزمن، وآلام الاسنان والتمزق العضلي.

 الغردقه:

الغردقة بتجمع بين التداوي بالمياه البحرية وطينة الشعب المرجانية وأشعة الشمس والرمال الغنية بالعناصر المعدنية وطينة تراب المناجم.