The Definitive Guide to Living in the Capital , Cairo , Egypt

معالم وسياحة

اعرفوا الميعاد النهائي لافتتاح المتحف المصري الكبير

2020 المتحف المصري الكبير توت عنخ آمون
اعرفوا الميعاد النهائي لافتتاح المتحف المصري الكبير
    بواسطة
    Omar Abd-elmaqsoud

    في أحدث التطورات الخاصة بافتتاح المتحف المصري الكبير، أعلن وزير الآثار إن افتتاح المتحف، هيكون فى الربع الأخير من سنة 2020، من غير تحديد لا شهر ولا يوم الافتتاح، على الرغم من وجود برنامج محدد بالوقت لإنهاء الأعمال الهندسية والأثرية، واللى غالبًا هتكون خلصانة على يوم 30 يونيو 2020، إلا إن تحديد معاد الإفتتاح بشكل دقيق بيخضع لاعتبارات شديدة الدقة زي ما قال السيد “عاطف مفتاح” المشرف العام على المتحف المصرى الكبير.

    تحديد يوم الافتتاح بدقة يعتبر قرار سيادي بيتم بالتنسيق مع وزارة الخارجية، ومع التزامات الملوك والرؤساء المدعوين لحضور حفلة الإفتتاح، لكن بشكل فعلي وعملي الإنتهاء من أعمال البناء هندسيًا وأثريًا هيكون يوم 30 يونيو 2020.

    وفي تطورات أكتر بخصوص الموضوع ده، عقدت اللجنة الوزارية اجتماع لمتابعة خطط مشروعات تطوير منطقة المتحف المصرى الكبير اللي هيكون في الرماية، والمتحف القومى للحضارة المصرية اللي هيكون في الفسطاط ومنطقة آثار سقارة.

    الاجتماع كمان ناقش مجموعة نقط متعلقة بمشروعات التطوير الخاصة بالمنطقة المحيطة بالمتحف المصرى الكبير زي رفع كفاءة الطريق الدائري، والمنازل والمطالع المؤدية له، ده غير مناقشة تطوير وتأمين المحور المؤدي لمنطقة آثار سقارة، وعمل كافيتريات ومطاعم وبازارات ودورات مياه على الطريق، لكن طبعًا مع المحافظة على الطابع التاريخي للمنطقة.

    أما الدكتور عيسى زيدان، مدير عام ترميم ونقل الأثار في المتحف المصرى الكبير، فقال إنهم شغالين حاليًا على نقل الأثار وترميمها، بالإضافة لمبانى المتحف اللى تمت بنسبة 100%، وحاليًا بيتم تجهيز قاعات العرض، اللي من أهمهم قاعة “توت عنخ آمون” اللى مساحتها حوإلى 7500 متر.

    وفي مكالمة تلفونية للدكتور “زيدان” خلال على قناة TeN، قال إن خلال الشهور الجاية هيتحط الفتارين، وهتتحط فيها القطع الأثرية اللي تم نقل 48 ألف قطعة منهم فعلًا للمتحف، وأعمال الترميم تمت على 44 ألف قطعة أثرية.

    دكتور زيدان قال إن طريقة العرض للقطع الأثرية في المتحف هيكون متميز، فمثلًا هيتحط في مدخل المتحف 4 تماثيل، كمان هيضم الدرج العظيم 87 قطعة أثرية.

    أما مجموعة “توت عنخ آمون” فهيتم عرضها بالكامل لأول مرة في المتحف المصري الكبير، مع الحرص على عرض قطع تانية كمان لأول مرة.

    ز

    مقترح