The Definitive Guide to Living in the Capital , Cairo , Egypt

الصورة: Youhana Nassif

مرسى مطروح من الأماكن الجميلة في مصر، مدينة ساحلية هادئة، مياهها نقية، وطبيعتها ساحرة، وعلشان كدة مهم تروح مرسى مطروح لو نفسك في مكان جميل يحلي حرارة الصيف وفي نفس الوقت يكون غير مكلف وعلى قد الإيد.

ولو بتفكر في زيارة مرسى مطروح في صيف 2024، خلينا نقولك على أفضل 3 أماكن يستحقوا الزيارة هناك.. في مالديف مصر!

 

كليوباترا والغرام

مرسى مطروح فيها شواطئ مميزة جدًا، منها شاطئ كليوباترا، اللي بيعتبر الشاطئ الأجمل فى المدينة واللي بيضم حمام كليوباترا الشهير الموجود في جوف صخور الشاطئ.

وفيه كمان شاطئ الغرام اللي هيعجب كل اللي بيدوروا على رحلة رومانسية ماتتنسيش، والشاطئ بيضم صخرة ليلى مراد الشهيرة.

 

كهف الملح

كهف الملح موجود في منطقة وادي الرمل، وهناك هتقدر تتخلص من كل همومك وهتعيش لحظات من التأمل والتخلص من كل الأفكار السلبية. وبعيد عن فوائده العلاجية، الكهف مكان جميل ومبهر بيتكون من أطنان من الملح الصخري المستخرج من البحر المتوسط مع إضاءة مميزة وموسيقى هادئة هتساعدك على الاسترخاء.

 

كهف روميل

كهف روميل موجود على شبه جزيرة روميل المواجهة للمدينة وهو متحف موجود فى بطن الجبل وهناك هتقدر تتعرف على تاريخ الحرب العالمية الثانية وهتشوف بعض الأسلحة الصغيرة من مقتنيات الحرب بالإضافة إلى معطف القائد الألماني الشهير إرفين روميل وملاحظات مكتوبة بخط يده.