The Definitive Guide to Living in the Capital , Cairo , Egypt

معالم وسياحة

بالصور.. اتعرفوا على أقدم متحف تعليمي للأطفال في مصر

القناطر الخيرية متحف الطفل لعلوم المياه متحف تعليمي متحف للأطفال وزارة الموارد المائية والري
بالصور.. اتعرفوا على أقدم متحف تعليمي للأطفال في مصر
    بواسطة
    Omar Abd-elmaqsoud

    في جولتنا المعتادة اللي بندور فيها على كل جميل ومفيد في بلدنا، وصلنا لمكان عريق ومختلف، والطابع المعماري الخاص بيه فريد وشيك، عرفنا بعد كده إنه متحف من المتاحف المختلفة اللي بتوثق تاريخ مدرسة الري المصرية، لكن كان واضح إن المتحف ده تحديدًا مختلف تمامًا عن أي متحف عرفناه، بدايةً من اسمه “متحف الطفل لعلوم المياه” لحد تاريخ إنشاؤه سنة 1843 في القناطر الخيرية، وده اللي خلاه يعتبر أول وأقدم متحف تعليمي للأطفال في الشرق الأوسط، علشان كده قررنا ندخل ونعرف أكتر، وننقلكم أهم المعلومات عنه:

    – المتحف في القناطر الخيرية، وتابع لوزارة الري، وهدفه تبسيط النظريات الرياضية والفيزيائية الخاصة بالمياه زي عجلة الطاقة، وصدي الصوت، ونظرية انكسار الضوء، وغيرهم كتير، وكل ده عن طريق استخدام تقنيات حديثة ومتطورة شبه الطبيعة، وده غير ألعاب ومجسمات يقدر الأطفال في مختلف المراحل العمرية يستوعبوها.

    – حديقة المتحف مساحتها 8 فدان وبتضم أندر أنواع النباتات والأشجار المعمرة.

    – في نوفمبر 2011 تم افتتاح المتحف بعد تجديده.

    لو عاوزين تعرفوا معلومات أكتر عن المتحف ومواعيد زيارته، ممكن تدخلوا على موقع وزارة الموارد المائية والري من هنا. 

    مقترح