The Definitive Guide to Living in the Capital , Cairo , Egypt

معالم وسياحة

بعد توقفها عن العمل لملايين الساعات.. ساعة محمد علي باشا هتشتغل من تاني

أقدم ساعة ميكانيكية في مصر الساعة الدقاقة تاريخ القاهرة ساعات تاريخية ساعة القلعة ساعة محمد علي باشا محمد علي باشا
بعد توقفها عن العمل لملايين الساعات.. ساعة محمد علي باشا هتشتغل من تاني
    بواسطة
    Mohamed Talaat

    تعرفوا إن مصر فيها واحدة من أقدم الساعات الميكانيكية في العالم كله؟ أيوة الساعة اللي بنتكلم عليها هي ساعة محمد علي باشا، وهي موجودة داخل قلعة صلاح الدين الأيوبي بقلب القاهرة التاريخية.. تعالوا نعرف حكاية الساعة دي.

     كشف الدكتور أسامة طلعت رئيس قطاع الآثار الإسلامية والقبطية في تصريحات إعلامية إن ساعة “محمد على باشا” وهي من الساعات اللي كانت داخل قلعة صلاح الدين الأيوبي، هترجع تشتغل من جديد بعد توقفها لسنين طويلة.

    وتوقفت الساعة عن العمل حوالي 175 سنة، يعني حوالي 1534017.23 ساعة!

    وحكى “طلعت” إن لويس فيليب رئيس فرنسا هو اللي أهدى الساعة دي لـ محمد على باشا بهدف وضعها في قصره بشبرا.

    وأضاف رئيس قطاع الآثار الإسلامية والقبطية إن محمد علي باشا توفى قبل وضع الساعة في القصر، فقرر أبنه وضعها فى مسجد والده بقلعة صلاح الدين، وبالفعل تم بناء برج للساعة واشتغلت لفترة قصيرة لكنها بعد كده توقفت عن العمل.

    وتابع أسامة طلعت رئيس قطاع الآثار الإسلامية والقبطية، أن ساعة محمد على باشا من أقدم الساعات الميكانيكية في مصر والعالم كله، علشان كده قررت وزارة السياحة والآثار إعادة تشغيلها.

    وأعلنت وزارة السياحة والآثار، في يناير اللي فات، تنفيذ مشروع لإعادة تشغيل ساعة أثرية كبيرة موجودة في قلعة صلاح الدين الأيوبي بالقاهرة، أهداها ملك فرنسا لمصر قبل حوالي 175 سنة، وتحديدًا في عام 1845.

    وكانت السفارة الفرنسية بالقاهرة أعلنت في على حسابها الرسمي على تويتر في ديسمبر اللي فات أن فرنسا قررت إرسال فرانسوا سيمون فوستييه، الخبير في مجال تصنيع الساعات إلى مصر، كاستجابة منها لطلب وزارة السياحة والآثار، لفحص إمكانية تصليح الساعة الموجودة بقلعة القاهرة والمهداة من فرنسا لمصر في عام 1845.

    مقترح