بمناسبة مرور 119 سنة على تأسيسه.. موقع إلكتروني عصري للمتحف المصري بالتحرير
المتحف المصري بالتحرير تفاصيل موقع المتحف المصري ذكرى تأسيس المتحف المصري بالتحرير سعر تذكرة المتحف المصري متاحف القاهرة موقع إلكتروني جديد للمتحف المصري
Mohamed Talaat
في خطوة جميلة هدفها الاحتفال بالذكرى الـ 119 علي تأسيس المتحف المصري بالتحرير بطريقة رقمية حديثة، بتستعد وزارة السياحة والآثار، لإطلاق الموقع الإلكتروني الخاص بالمتحف.
وقال خالد شريف مساعد وزير السياحة والآثار للتحول الرقمي في تصريحات إعلامية، إن إطلاق الموقع بيعتبر خطوة من خطوات مشروع تطوير المتحف واللي بيتم تنفيذ المرحلة الثانية منها مؤخرًا بتمويل من الاتحاد الأوروبي.
وأضاف خالد شريف إن الموقع الإلكتروني للمتحف بدأ العمل على إنشاؤه في شهر إبريل اللي فات، وشارك في تصميمه وتنفيذه عدد من الخبراء الدوليين، وإن الخطوة دي بتتناسب مع أهمية المتحف الأثرية والتاريخية كواحد من أقدم المتاحف بالعالم.
وقالت صباح عبد الرازق مدير عام المتحف إن الموقع الإلكتروني بيتيح للمستخدمين التعرف على المتحف ومقتنياته والخدمات المقدمة للزائرين، بالإضافة كمان لإمكانية شراء تذاكر زيارة المتحف باستخدام كروت الائتمان، وده ضمن المنظومة المتكاملة للتذاكر الإلكترونية اللي بتقوم بيها مصر مؤخرًا.
بيحتوي الموقع على خريطة للمتحف من الداخل موضح عليها أماكن القاعات وأسمائها وأرقامها، الأمر اللي بيساهم في مساعدة الزائر علي التجول داخل المتحف بسهولة أثناء زيارته.
وبيضم الموقع صور لأبرز مقتنيات المتحف ومجموعة من الصور الأرشيفية النادرة بتوضح عملية بناء المتحف وشكل قاعاته عند افتتاحه بالإضافة إلى العرض القديم لبعض القاعات على مر تاريخه، والصور دي بتعتبر جزء من الكنوز المحفوظة في أرشيف المتحف.
وهتشوفوا على الموقع الإلكتروني كمان سرد مصور لتاريخ المتحف وقائمة كاملة بالمديرين السابقين من أول افتتاح أول متحف للآثار المصرية في الأزبكية مرورًا بمتحف بولاق والجيزة ولحد الفترة دي.
جدير بالذكر إن المتحف بدأ في سبتمبر اللي فات تشغيل ماكينات الدفع الإلكتروني لتذاكر دخول المتحف علشان تحل محل نظام دفع التذاكر يدويًا، كخطوة من ضمن خطوات إطار استراتيجية الوزارة للتحول الرقمي.
وتم افتتاح المتحف المصري بالتحرير عام 1902 وبيعد من أوائل المباني في العالم اللي تم بنائها علشان تكون متحف متخصص، وبيضم المتحف معامل ترميم متميزه بالإضافة إلى مكتبة بتحتوي على كتب وموسوعات نادرة بتتناول الآثار والحضارة المصرية القديمة.
معلومات عن زيارة المتحف
بيفتح المتحف المصري أبوابه للزيارة طوال أيام الأسبوع من الساعة 9:00 صباحًا وحتى الساعة 5:00 مساءً، وشباك التذاكر بيقفل الساعة 4:15 مساءً بما فى ذلك أيام الإجازات والأعياد والمناسبات.
أسعار التذاكر اليومية للمصريين: الفرد العادي: 30 جنيه / الطالب: 10 جنيه.
التصوير الفوتوغرافي التذكاري بالكاميرا “بدون فلاش ” 20 جنيه.
تصوير الفيديو التذكاري: 300 جنيه.
الدخول مجانًا للأطفال حتى سن 6 سنوات.
مقترح
تسوق أجمد خمس أماكن في القاهرة تشتري منهم تورتة على مزاجك
أجمد جلواني في القاهرةن محلات حلويات في القاهرة أفضل تورتة في القاهرة +2
الحياة في كايرو 
