The Definitive Guide to Living in the Capital , Cairo , Egypt

معالم وسياحة

تاريخ التصوف المجهول في مصر.. رحلة كايرو 360 لـ “التكية المولوية”

التصوف التكية المولوية الحلمية الدراويش المتصوفة تاريخ تراث جلال الدين الرومي رحلة سمع خانة سياحة ضريح مسرح
تاريخ التصوف المجهول في مصر.. رحلة كايرو 360 لـ “التكية المولوية”
بواسطة
Cairo 360

من مكانها في الحلمية الجديدة، بتجمع التكية المولوية كل اللي باقي من تراث المولوين. وده يخليها واحدة من أهم الأماكن اللي بتحكي تاريخ التصوف في مصر.

كل اللي بيروحها من زائرين أو باحثين أو متذوقين للموسيقى الروحية، بيتعرفوا على القصص المجهولة من تاريخ التصوف في مصر. والحكايات المنسية عن المتصوفة الأوائل، خصوصًا سيرة حياة المتصوف الأكبر جلال الدين الرومي.

بتضم التكية المولوية مجموعة معمارية متكاملة. غير المبنى الرئيسي، فيها مجموعة من الأضرحة لكبار المتصوفة. اللي عاشوا في مصر قبل حوالي 4 قرون. من أشهرهم ضريح سيدي حسن صدقة. اللي بيضم إلى جانب المقبرة، ملجأ لليتامى والأرامل والمطلقات. اتحول بعد كده لمدرسة.

بتنتسب التكية المولوية إلى جلال الدين الرومي. ولما العثمانيين دخلوا مصر، بنوا أول تكية للدراويش المولوية وسموها “السمع خانة”. وكانت عبارة عن قاعة مستديرة.

أول مؤتمر للموسيقى العربية في مصر كان في 1982، اتعمل في التكية المولوية. وتحديدًا على مسرح الدراويش الدوار، المعروف بـ “السمع خانة”.

“المسع خانة” في مصر بتضم مجموعة كبيرة من الكتب الخاصة بتراث التصوف. من أشهرها كتاب “المثنوي”، اللي بيضم 126 ألف بيت شعر.

التكية المولوية موجودة وسط حديقة واسعة. وبجانبها مبنى اسمه “بيت الصمت”، وده بيكون الجبَانة اللي بتتحط فيها الأجساد اللي اتحررت منها الأرواح بحسب الفكر الصوفي. وكمان فيها سكن كان خاص بالنساء.

العنوان: شارع السيوفية، الحلمية، القاهرة القديمة.. بجانب قصر الأمير طاز.

مقترح