The Definitive Guide to Living in the Capital , Cairo , Egypt

تجربة ممتعة على قد سنهم.. دليلك لجولات الأطفال بالمتحف المصري الكبير
بواسطة
Cairo 360

المتحف المصري الكبير، اللي تقدر تزوره حاليًا رغم عد افتتاحه رسميًا، بيقدم متعة حقيقية للكبار، وكمان للصغار! بيقدم المتحف خدمة مهمة لكل الأطفال بتتمثل في جولات داخل “متحف الأطفال” بالمتحف المصري الكبير.

 

متحف الأطفال موجود داخل المتحف المصري الكبير بالجيزة، وهو مكان مصمم بهدف تنمية شغف الأطفال حول تراثهم من خلال تجارب تعليمية مخصصة باستخدام الأدوات البصرية والسمعية والحسية علشان يجذب الأطفال ويظهر لهم عظمة الحضارة المصرية العظيمة.

ومتحف الأطفال بالمتحف المصري الكبير مناسب للأطفال من سن 6-12، وبيقدم جولات مدتها 45 دقيقة، والجولات متاحة باللغة العربية والإنجليزية.

ولحجز الزيارات المدرسية، تقدروا تتواصلوا مع الإيميل ده:  learning@gem.eg.

وبتختلف الجولات باختلاف أعمار الأطفال، وبتنقسم الجولات للأطفال لأعمار من 6 إلى 7 سنوات، ومن 8 إلى 10 سنوات، ومن 11 إلى 12 سنة.

والأسعار بتكون 150  جنيه للأطفال المصريين، و250جنيه للأطفال العرب أو الأجانب المقيمين في مصر، و500 جنيه للأطفال العرب أو الأجانب.

وبيساعد متحف الأطفال على التعرف على الحضارة المصرية القديمة من خلال مجموعة من الألعاب والابتكارات الجديدة.

والمتحف بيضم مجموعة من المقتنيات الأثرية بالإضافة إلى قاعة عرض تفاعلي ومكتبة ومسرح للطفل و6 فصول دراسية لعمل البرامج والأنشطة المناسبة للطفل وفيه قاعة للحرف والصناعات، وهيقدر الطفل كمان يزور مكتبة فيها برديات بشكل ممتع للأطفال كتبها المصري القديم للتعريف بالحضارة المصرية القديمة مع وجود ألغاز في البردية لحلها.

مقترح