The Definitive Guide to Living in the Capital , Cairo , Egypt

معالم وسياحة

جو ميني.. ميكروباص جديد لإسكندرية والسخنة من جو باص

60 جنيه اسكندرية العين السخنة تذكرة توفير جو باص جو ميني حجز خدمة سعر سفر سهل سياحة
جو ميني.. ميكروباص جديد لإسكندرية والسخنة من جو باص
    بواسطة
    Mohamed Talaat

    علشان إحنا بنحب السفر والخروجات، قررنا نخطف يوم في إسكندرية نغير جو. اتفقنا ننطلق الساعة 6 الصبح، ولما دورنا هنسافر إزاي لقينا خدمة جديدة للنقل تابعة لشركة جو باص. ودي تجربتنا.

    خدمة “جو ميني” هي عبارة عن ميكروباص 14 راكب، بيروح للإسكندرية والعين السخنة فقط. وأجرته 60 جنيه بس. طبعًا ده سعر رخيص بالنسبة لأتوبيسات الشركة. تجربتنا معاهم كانت ممتازة وبنرشح خدمتهم بقوة. تقدر تحجز وتعرف المواعيد عن طريق موقعهم الإلكتروني، أو من خلال التطبيق.

    الدفع متاح إلكتروني، خدمة فوري وأمان، أو عن طريق التوصيل للبيت في القاهرة الكبرى. بس قبلها بـ 3 أيام. بتختار الكرسي وميعاد الرحلة ونوع الخدمة المقدمة عن طريقهم.

    الميني بيتحرك من 3 محطات “مدينة نصر – عبد المنعم رياض – الجيزة”. تقدر تركب من أي محطة، بس حددها في اختيارك للتذكرة. السواقين ممتازين، والطريق أخد ساعتين وربع. يمكن علشان كان فيه رادارات كان ماشي بالراحة. واحنا في الإسكندرية نزلنا سيدي جابر، وكمان فيه نزول بمحطة الرمل. وده شيء لو تعلمون عظيم. خاصة إن كل المواصلات بتنزل في الموقف الجديد، ومنه تضطر تركب تاني علشان تدخل إسكندرية نفسها.

    هنقولك بقى على شوية نصائح تفيدك لما تحجز:

    – لو أنت لوحدك احجز كرسي رقم 1 اللي هو جنب السواق. ود هتبقى وحدك فيه.

    – ابعد عن الكرسيين “4 و7″، علشان الهوا اللي داخل من الباب هيزعلك.

    – لو أنتم مجموعة يفضل تحجزوا الكنبة والجزء اللي ورا. هتبقوا مع بعض ومرتاحين.

    بالمجمل التجربة كانت مميزة وجيدة جدًا. ومفيش شك إنهنا هنكررها كتيربعد كده، لتوافر (الأمان – السرعة – الراحة – السعر المناسب).

    رقم التليفون: 19567 – صفحتهم على فيسبوك.

    مقترح