The Definitive Guide to Living in the Capital , Cairo , Egypt

معالم وسياحة

قبل افتتاحه رسميًا.. كل اللي محتاجين تعرفوه عن متحف “عواصم مصر” في العاصمة الإدارية الجديدة

العاصمة الإدارية الجديدة تفاصيل متحف عواصم مصر متاحف القاهرة متاحف مصرية جديدة متحف عواصم مصر
قبل افتتاحه رسميًا.. كل اللي محتاجين تعرفوه عن متحف “عواصم مصر” في العاصمة الإدارية الجديدة
    بواسطة
    Mohamed Talaat

    من ساعات، أعلن الدكتور خالد العناني وزير السياحة والآثار، عن الانتهاء من أعمال تجهيزات متحف “عواصم مصر” بالعاصمة الإداریة الجدیدة، واللي هيحكي للعالم تاریخ العواصم المصریة عبر العصور المختلفة.. تعالوا نتعرف مع بعض على المتحف ده.

     

    بيقع متحف “العواصم المصرية” في مدينة الفنون والثقافة بالعاصمة الإدارية الجديدة، واللي بتضم مجموعة متنوعة من المباني الثقافية، وعدد من المسارح وكمان مجموعة متنوعة من مراكز الرسم والموسيقى ودار أوبرا ومكتبة ضخمة.

    فكرة إقامة متحف لعرض تاريخ وفنون عواصم مصر على مر العصور، بدأت مع تنفيذ الحكومة المصرية للعاصمة الإدارية الجديدة، بهدف تسليط الضوء على أهم العواصم المصرية بداية من منف أول عاصمة في العصر الفرعوني وحتى العاصمة الإدارية الجديدة، وده من خلال عرض مجموعات أثرية مختلفة بتعود لعصور تاريخية مختلفة.

    بيعتمد سيناريو العرض على إظهار الهيكل الإداري للدولة المصرية مع تسليط الضوء على التطور العمراني لها والتأكيد على العمارة الدينية والخدمية والحياة الاجتماعية والاقتصادية لكل عاصمة، كمان هيكون فيه توثيق لفكرة الشعائر الجنائزية ورحلة البعث عند المصريين القدماء وده في قاعة منفصلة ملحقة بمبنى المتحف الرئيسي.

    قاعات العرض:

    بيتكون المتحف من قاعتين:

    أولأ: قاعة عواصم مصر: تم إختيار مجموعة من العواصم المصرية المشهورة على مدارالتاريخ المصري، وهي: منف، تل العمارنة، طيبة، الأسكندرية، القاهرة الأسلامية والخديوية، والعاصمة الإدارية الجديدة، وهيتناول سيناريو العرض أبرز معالم العاصمة من حيث أشهر المدن، الحكام، رجال الدولة، الطرق والتقسيمات الإدارية، إلخ.

    ثانيًا: الشعائر الجنائزية ورحلة البعث: هيتناول سيناريو العرض رحلة الموت والعالم الآخر من خلال عرض للشعائر الجنائزية، وأدوات الدفن، وطقوس الحياة الأخرى، ده غير عرض مقبرة كاملة مكتشفة حديثًا لـ “توتو” وزوجته “تا شيرت” عازفة الصلاصل بمنطقة أخميم بسوهاج.

    مقترح