The Definitive Guide to Living in the Capital , Cairo , Egypt

معالم وسياحة

كان مقر لجنود الحملة الفرنسية.. 7 معلومات عن مسجد “الحاكم بأمر الله”

تطوير مساجد القاهرة التاريخية مساجد مصر مسجد الحاكم بأمر الله مشروع تطوير القاهرة التاريخية
كان مقر لجنود الحملة الفرنسية.. 7 معلومات عن مسجد “الحاكم بأمر الله”
    بواسطة
    Mohamed Talaat

    مصدر الصورة الرئيسية من هنا.

    في الأيام الأخيرة، بدأت أعمال مشروع تطوير القاهرة التاريخية تظهر للنور، وده بعد إزالة المخلفات وتراكمات القمامة من المناطق التاريخية.. ومن الأماكن المهمة اللي بتقوم مصر بتطويرها حاليًا، المنطقة المحيطة بمسجد الحاكم بأمر الله، واللي تم الاستعانة بالصور القديمة للمنطقة لإعادة الوجه الحضاري والتاريخي ليها.. وبالمناسبة دي، تعالوا نتعرف أكتر على المكان العظيم ده من خلال 7 معلومات.

    1 – بيعتبر جامع الحاكم بأمر الله، رابع أقدم المساجد الجامعة الباقية في مصر وثاني أكبر جوامع القاهرة من حيث الاتساع، بعد جامع ابن طولون، واللي أمر بإنشائه هو الخليفة العزيز بالله الفاطمي سنة 379هـ/ 989م، لكنه توفي وكمل المهمة ابنه الحاكم بأمر الله 403هـ/ 1013م.

    2 – بيقع الجامع في نهاية شارع المعز لدين الله الفاطمي، بجوار باب الفتوح، وكان المسجد وقت تشييده خارج أسوار القاهرة القديمة، اللي بناها جوهر الصقلي 382هـ/ 992م، وبعدها أصبح داخل حدود المدينة بعد ما قام بدر الجمالي 487هـ/ 1094م بتوسعة المدينة وتشييد الأسوار الحالية.

    3 – بيمثل المدخل الرئيسي البارز بالواجهة الغربية أقدم أمثلة المداخل البارزة بمصر، واقتبس الفاطميين الفكرة دي من مسجد المهدية في تونس.

    4 – للمسجد قصة تاريخية مهمة، وهي إن الحملة الفرنسية اتخذته مقر لجنودها، واستخدمت مئذنتاه أبراج للمراقبة.

    5 – بيبلغ طول المسجد 120.5 متر وعرضه 113 متر، ومساحته أقل من مساحة جامع عمرو بن العاص، وفى نهايتي واجهته البحرية (الشمالية الغربية) بتوجد المئذنتان وبتحيط بيهم قاعدتان عظيمتان هـرميتا الشكل وبتتكون كل قاعدة من مكعبين يعلو أحدهما الآخر والمكعب العلوي موضوع إلى الخلف قليلًا فوق السفلي وبيبلغ ارتفاع الأخـير ارتفاع أسوار الجامع وبتبرز من كل من المكعبين العلويين مئذنة مثمنة الشكل.

    6 – مدخل الجامع الأثري بيعتبر أول مدخل بارز اتبنى لمسجد في القاهرة، وبيغطيه قبو أسطواني عرضه 3.48 متر وطوله 50. 5 متر وفى نهايته باب عرضه 21. 2 متر ومعقود بعقد أفقي من الحجر.

    7 – بيتميز يمين وشمال المدخل بوجود بقايا نقوش بديعة ارتفاعها 60. 1 متر، وبيؤدي المدخل بصحن الجامع اللي بتحيط بيه الأواوين.

    مقترح