كايت لووب: تعلم الطيران الشراعي وقضي يوم رائع في سيناء
Anne de Groot
أحدث أنواع الإدمان اللى أصاب الشباب المصرى فى الحقيقة
يعتبر حاجة صحية إلى حد ما. فى كل ويك إند بـ تشهد القاهرة مجموعات مسافرة لرأس
سدر بدلاً من الأماكن المعتادة زى الساحل أو الجونة علشان يمارسوا رياضة الطيران
الشراعى. النوع ده من الرياضة بقى محبوب جدًا مؤخرًا خصوصًا أن فيه أكثر من 200
يوم بـ يكون فيهم رياح شديدة على مدار السنة. منطقة رأس سدر الموجودة فى الساحل
الغربى من سيناء حفرت اسمها بكونها المكان المثالى اللى تقدر فيه تشبع رغبتك فى
ممارسة الطيران الشراعى. المكان فيه عدد قليل من الفنادق تقدر تنزل فيهم فى وقت
الويك إند، خصوصًا أنك أكيد هـ
تحتاج ترتاح كويس بعد يوم من السباحة وكمان تشحن
بطارياتك ليوم ثانى بعده.
“كايت
لووب” يبعد عن وسط البلد فى القاهرة حوالى ساعتين وسهل جدًا أنك توصل له. أنت
بس اتجه لرأس سدر وهـ تقابلك
يافطة عملاقة على يمينك مكتوب عليها “كايت لووب”. أحسن طريقة لوصف المكان
هى “نويبع تلتقى بالرفاهية”. المنتجع
مصمم على شكل مخيم، وده معناه أن فيه كوخ رئيسى تقدر ترتاح فيه بالليل وتستمتع
بعشائك، كمان فى أكواخ ثانية علشان الإقامة. تقدر تختار واحد من الأكواخ اللى على
الشاطئ، لكن كلمة “كوخ” مش هـ
تبقى مناسبة قوى علشان الأكواخ مجهزة بـ تكييف وشاشات LCD.
السراير فعلاً مريحة قوى، وبعد يوم فى المياة مافيش أحسن من أنك تأخذ دش فى الحمام
الواسع الأنيق. سعر اليوم الواحد بين 260 جنيه و690 جنيه والفرق بـ
يعتمد على حجم المكان واختيارك بين نصف إقامة (إفطار فقط) أو إقامة كاملة (إفطار
وغذاء وعشاء ومشروبات).
كل غرفة فيها كراسى “لازى بوى” المريحة. وعلى
عكس الموجود فى غرف المعيشة المعتادة، تقدر تأخذ الكراسى معاك على الشاطئ، أو ممكن
تحطهم فى الجنينة الموجودة أمام الكوخ بتاعك. على الشاطئ فيه شمسيات وكراسى علشان
تستمتع بالشمس فى وقت النهار لو ما كنتش من محبى الرياضات المائية أو لو حظك وحش
ورحت فى ويك إند مافيش فيه رياح قوية. فى حالة أن مافيش رياح، فيه وسيلة ترفيهية
ثانية جنب الكوخ الرئيسى وهما “تيا وبينو” الكلاب المقيمة فى المنتجع. وأوعى
تتفاجئ لو لقيتهم عائمين جنبك فى البحر.
الكوخ الرئيسى اللى بـ يُقدم فيه الأكل عبارة عن مكان واسع
وفيه أنوار مناسبة لو عاوز تشتغل على اللاب توب بتاعك. المنيو شاملة أصناف كثير مع
أكلات مصرية مفضلة زى الشكشوكة والسحلب. تقدر كمان تبدأ يومك بإفطار من الفول
بالطحينة، مع اختيارات ثانية زى أومليت السبانخ. للعشاء فيه أنواع مختلفة من أطباق
اللحوم والباستا، إحنا استمتعنا بطعم الفراخ المشوية والشيش طاووق. وبالنسبة
للتحلية تقدر تستمتع بالكريب أو البان كيك على الطريقة الأمريكية. كل الأطباق
أسعارها بين 10 و65 جنيه.
وطبعًا أكثر حاجة تشد الانتباه فى “كايت لووب”
طبيعى تكون الطيران الشراعى. المكان بـ يتعامل مع مدربين معتمدين بشهادة IKO” level 2″. ولو كانت دى أول مرة لك أو
محتاج تفتكر الموضوع تأكد أنك فى أيد أمينة. الدروس بـ تبدأ من 1200
جنيه. والمركز بـ يوفر لك كل حاجة ضرورية لتجربة الطيران الشراعى من البدلة للبورد
والطائرات الورقية. تقدر تأجر المعدات دى من المركز (300 جنيه لنصف يوم و
520ليوم كامل)، فلو كنت جديد مافيش
داعى أنك تتسرع وتروح تشترى أى حاجة.
سهل قوى أنك تفهم ليه الطيران الشراعى محبوب والناس بدأت
تدمنه. أنت ببساطة بـ تبقى طاير فوق المياه والرياح بـ ترفعك فوق كل شوية، وده
يخليك تعمل قفزات رهيبة مع اندفاع قوى للإدرينالين فى جسمك. رغم كده، الرياضة دى
من الرياضات الخطيرة، وعلشان كده لازم تتعامل معاها بحرص وتتعلمها كويس.
حتى لو كنت مالكش فى الطيران الشراعى، ده يعتبر مكان هائل
تقضى فيه الويك إند خارج المدينة. الأكل هائل والأكواخ مريحة وأكثر حاجة مهمة هى
الجو العام المريح. لو بـ تفكر فى الطيران الشراعى يبقى هو ده المكان اللى لازم
تروحه فى رأس سدر. لمعلومات ثانية عن الأسعار والحجز ادخل على الموقع
الرسمى.
مقترح
الحياة في كايرو
تقرير.. مصر الثانية إفريقيًا من حيث عدد الأثرياء والقاهرة فيها 7200 مليونير
ترتيب مصر من حيث الأثرياء ثروات مصر +4
صحة ولياقة
