The Definitive Guide to Living in the Capital , Cairo , Egypt

الصورة الرئيسية: Bogdan Nanescu

الصورة الداخلية: Oleksandr Podoima

مصر دولة متنوعة، فيها تاريخ وآثار وحضارات مختلفة، وفيها كمان وجهات ساحلية رائعة بيعشقها العالم كله، وبما أننا في أيام الصيف، هنعرفكم على أفضل وأشهر الوجهات الساحلية السياحية في مصر، بحسب تقرير حديث نشره موقع مجلة سيدتي، علشان الصيف بيحب المياه المنعشة والجو الحلو والشواطئ الجميلة اللي بتنسينا هموم الشغل والحياة وبتوعدنا بذكريات جميلة ماتتنسيش.

 

دهب

بتشتهر دهب بجمالها البسيط وأجوائها المريحة، وهي مثالية لأصحاب الميزانية المحدودة. أهم معالم الجذب في دهب هو البلو هول، وهو موقع غوص مالهوش مثيل بيقع على عمق 100 متر في قاع البحر، وهناك هتستمتعوا بمشاهدة الأسماك الملونة الفريدة.

 

مرسى علم

مرسى علم هي أكثر وجهة جاذبة للغواصين، وبتتميز بشواطئها الرائعة ورمالها البيضاء، وأشهرها شاطئ أبو دباب، وهناك هتستمتع بمشاهدة السلاحف، وننصحكم تزوروا هناك حديقة وادي الجمل الوطنية، واللي بتضم 450 نوع من المرجان و1200 نوع من الأسماك.

 

الغردقة

بتضم مدينة الغردقة عدد كبير من الفنادق والمنتجعات، معظمها بيحيط بالساحل الرملي اللي بيبلغ طوله 40 كم. وماتنسوش تزوروا هناك جزيرة المحمية على بعد ساعة واحدة بالسيارة، وفي الطريق ممكن تشوف الدلافين وهي بتلعب، كمان ننصحك بزيارة الدهار في مدينة الغردقة القديمة.

 

الجونة

في شمال الغردقة مباشرةً، هتلاقي عالم الجونة الرئاع، أو “فينيسيا مصر”، وهي مبنية على سلسلة من الجزر المتصلة بالقنوات والجسور، وفيها كثير من المطاعم الفاخرة. وهناك هتستمتع بتجربة مجموعة متنوعة من الرياضات المائية زي الغوص أو ركوب الأمواج بالطائرة الورقية أو التزلج الهوائي.

 

رأس الشيطان

بتقع منطقة رأس شيطان المجاورة لدهب في شمال نويبع، وهي وجهة الغوص الشهيرة في مصر، هي الملاذ المثالي لأي شخص بيدور على السلام والهدوء والاسترخاء على طول مياه البحر الأحمر الخلابة.

 

شرم الشيخ

أجمل وأكبر مدينة في جنوب سيناء، فيها مطار رئيسي وطقس استثنائي وفيها فنادق ومنتجعات مميزة بأسعار معقولة، وهناك بمشاهدة  الشعاب المرجانية المدهشة، وهتستمتع بالسباحة والغوص.

طابا

مليانة بالمناظر الطبيعية الخلابة والظروف الجوية المثالية طول السنة، وهناك هتستمتع بركوب الجمال في الصحراء الذهبية، والاستمتاع بالشاي الساخن والطعام اللذيذ المصحوب بالمناظر المبهرة.

 

سهل حشيش

بتتميز بمياهها الصافية وجمالها الجبلي، وفيها واجهة شاطئ رملية بطول 12 كم مليانة بأكواخ الشاطئ وكراسي الشمس المريحة.

 

مرسى مطروح

مرسى مطروح، هي جوهرة البحر الأبيض المتوسط، بتتميز مياهها الهادئة والمتلألئة بأنها فريدة من نوعها بين أمواج البحر الأبيض المتوسط. هناك هتستمتعوا بمجموعة متنوعة من المناظر الطبيعية المذهلة على شاطئ البحر، وأشهر شواطئها شاطئ عجيبة، وشاطئ كليوباترا.